Chris,
  Io non favora le exclusion de nomines linnaean scientific de
interlingua.  Io esseva sub le impression que le exigentia esseva
pro nomines minus technic e scientific pro situtationes ubi le
uso de nomines scientific es alquanto troppo technic.  Le lista de
Wilgenhof essaya a crear tal nomines 'popular', mais a vices ille
ha create nomines del nomines linnaean que es ancora troppo
technic pro servir como nomines popular.   Certo le existentia de
un systema international de nomines de organismos es parte del
vocabulario international, mais illo servi in certe contextos.

P.e. a dicer a un amico "Heri io videva un Colaptes auratus" esserea
incomprehensibile a altere que ornithologos que sape le nomines
scientific.  Melior esserea a dicer "Heri io videva un pico gris
de scapos auree" o "Heri io videva un pico gris auroscapace" suggererea
melior le idea de lo que io parla.  "Yellow-shafted flicker".

Il ha numerose nomines generic pro le familia de picos.  Assi il es
melior a usar un nomine familial popular in loco de nomines generic
basate super le genere del nomine scientific, si isto esserea
mal comprendite.  A vices le nomine generic es bon.

Stan