>Salute Stan!
>Multo interessante, qual svedeses 
>ha tu educate?

A vices io pensa que il es multe pauc.

> Ego ha secundo mi 
>optime capacitate probate leger e 
>comprender le introduction a 
>interlingua, e illo me place in lo 
>que illo se occupa con linguistic 
>realitates.
>Pro le usator de interlingua il ha 
>duo problemas: sequer le prinipios 
>in le introduction e facer – si 
>necesse – cambios pro le vita practic.
>Pote altere svedeses que tu 
>rigorosemente – e certo con pena – 
>essayava educar era Ingvar 
>Stenström, qui scribeva un manual 
>le qual un professional editorial 
>publicava. Ille ha inseniate le 
>anglese e germano in le gymnasio 
>svedese (junior e senior high in le 
>USA) e inseniate le vocabulario 
>international.

Ingvar es certemente un homine intelligente,
mais ille esseva un inseniante in scholas
secundari.  Gode esseva un Ph.D. e
ha inseniate germano in le universitate.
Io es un professor de un universitate e
ha inseniate le statistica e psychologia
quantitative.  Interlingua es mi hobby.

Mi possession del Ph.D. face possibile pro
me a intender Gode e alcun de su motivation
como un academico con respecto a interlingua 
como un realitate externe.

Io non pensa que le invention de linguas
esseva un occupation respectate per Gode.
Le mesme con Stillman, ben que ille solmente
habeva un diploma de maestro del anglese, 
mais in 1939 isto esseva sovente sufficiente.
Mais Stillman habeva laborate con le linguistas
professional de IALA in London ante retornar a Nove
York pro devenir le Director de Recerca in
1939. 

Le ration proque le invention de linguas 
como Zamenhoff e mesmo de Wahl (Occidental)
esseva non altemente respectate per Gode
es que illo esseva troppo subjective e sovente 
naive del natura vive e irregular e inexacte
del lingua. 

Ille esseva un scientista educate in le linguistica
a un major universitate (Columbia). Linguistas
labora con linguas real. Illes depende super
factos de linguas. Il esserea un guasto de su
education e talentos pro devenir un amateur
inventor de linguas. 

Ingvar ha scribite cosas critic de Gode e le
prototypos.  Ingvar realmente, a mi aviso, es
un inventor de linguas.  Ille admira Martinet,
qui esseva un cryptic occidentalista. Martinet
habeva preconceptiones occidentalist de lo que
un bon international auxiliari lingua esserea.
Gode evitava preconceptiones.  Si tu lege su
essayo super Structure and Function in Interlingua
tu va trovar iste paragraphos, in un lectura al
Modern Language Association in 1954:

"The spell of the idea that interlinguistics is concerned with
the definition of linguistic functions and the subsequent
provision of efficient structural devices for their operation
was totally discarded in the theory of Interlingua. It will be
the task of the historian of interlinguistics to show that this
event was the climax of an arduous development and cannot be
accounted for as an act of creative inspiration on the part of
the Interlingua theoretician. The only "creativity" for which
these theoreticians claim credit is that they have not been
creative at all.

In methodological terms this signifies that the linguistic
system now in use under the name of Interlingua was codified on
the basis of observed forms and never by a process of supplying
forms for functions previously analyzed and judged to be 
desirable."

> Le assertationes de 
>Stan me face pensar del dicto 
>svedese: Que le ovo non educa al 
>gallina poner ovos!
>     Un homine pote naturalmente 
>cambiar su opiniones, e isto es 
>totalmente legitime, lo que es 
>interessante debe esser lo que le 
>homine ha date al eternitate, como 
>le introduction. Un mal cosa con 
>Gode era que ille non habeva le 
>corage dicer explicitemente que 
>ille es in favor de un lingua 
>auxiliar. Ille anque non 
>comprendeva que un movimento 
>"esperantistic" forsan es necessari 
>pro crear un communitate qui 
>supporta le pensata.

Ille videva interlingua como un lingua
auxiliar. Mais illo non esseva create
secundo preconceptiones de lo que es
optime pro un lingua auxiliar. Interlingua
pote servir como un lingua auxiliar in
le mundo del Occidente proque de su
characteristicas de representar le
vocabulario commun in tante linguas
de Europa.  Mais su characteristicas
non esseva create pro iste function,
mais esseva usate proque illos naturalmente
functiona ben in iste contexto.

Ille credeva que le communitate que appoia
interlingua es le milliones de personas
qui parla linguas que prende parte in
le vocabulario international.  Un parve
communitate, un club, un societate de
dilettantes va remaner confinate in le
limitates de su uso inter solmente illes
mesme pro discuter lor lingua, etc.. 
Gode voleva usar interlingua in le mundo
in practic applicationes.  Le historia del
linguas auxiliar real, in commercio, es
que illos serviva le primari objecto de
excambiar benes e ideas.  

>     Ego ha sovente dicite, e isto 
>merita repetition: Lo interessante 
>es le aspecto de interlingua e su 
>functionalitate, non si Gode voleva 
>un lingua international o non, non 
>si le labores del IALA in facto era 
>un proba resister al allegite 
>"communistic" esperanto o non. Lo 
>solo que se conta es le lingua ipse 
>e  como illo es usate.

Le uso esseva primari, non le lingua
per se.  Si le lingua pote servir le
uso, le excambio de benes e ideas,
le lingua non debe esser optime, mais
solmente debe haber characteristicas
que in facto adjuta le scopo del uso.

>Il me sembla anque esser un 
>differentia in le qual europeos e 
>unitestateses labora 
>pro non-govermanemtal 
>organisationes, un differentia de 
>cultura, forsan.

Possibilemente, mais io non intende
lo que isto vole dicer.

Amicalmente,
Stan


--
Pro leger le archivos e pro modificar o cancellar le subscription:
http://listserv.icors.org/archives/interlng.html