Car Jollino (Daniele!)

>Esque poner le canal in un rete IRC plus frequentate, per exemplo
>IRCNet, Undernet o Freenode, on haberea plus interesse?

Plus interesse intra le publico laic, non parlante interlingua, solmente
visitante le canal.

>De omne maniera (como on dice isto? "anyway", "de toda
>manera", "in ogni caso"...)<<

Io sole usar: "in omne casos", "nonobstante", "del resto".

>Undernet es populate de personas qui
>vole chattar (durante que il ha multe idiotas en IRCNet).

Si, il es importante acquirer plus de nove interessatos in iste via, ma
anque le "vetule" usatores de interlingua, le "ver interlinguistas" deberea
haber un servitor stabile pro se. Actualmente Discussioni non es un servitor
stabile.

>Freenode es un rete plus recente, con un clar orientation
>"opensource". Multe projectos de software libere ha canales de
>supporto e disveloppamento illac.


>> Al maximo non
>> sole ser presente duo in media (o alicun vices tres) al mesme tempore.
>> Personalmente io es sempre in le canal usque le medienocte in le
>> mercuridis
>> (e in le sabbatos, si io es in casa). Tu vermente es re-benvenite
>> anque
>> illac, e ora io vole incoragiar totes a participar in iste occasiones!
>
>Forsan il serea un bon idea esser illac semper, non solmente quando
>il ha usatores. Io ora es super IRCNet, e io ha create un canal
>#interlingua illac. Si io es ante mi computator, io vos respondera. :)
>Il ha un systema de chat ex le web (cgi:irc) al adresse http://
>webchat.xs4all.nl/index.php

Illo actualmente non functiona a me in mi navigator Mozilla Firefox. Forsan
illo non es tanto stabile, o troppo cargate (usate).

Martijn Dekker e io, le duo actual OP-s (operatores) del chat #interlingua
vole solver le problema del stabilitate e simplicitate del chat in
interlingua. Io vole presentar hic le idea de Martijn: UMI deberea registrar
e posseder un proprie canal permanente in (le servitor IRC nominate)
Freenode. Il es importante, que al servitor que nos selige sia facile
construer un maniera de accesso per web (un version "webchat"), si illo non
ancora existe. (Theoreticamente il es possibile construer un accesso per
navigator - webchat - a Freenode.) Alora gentes non tal habile in cosas
computatorial (p. ex. in usar un cliente de IRC) totevia poterea adjunger se
facilemente al chat de interlingua. Al mesme tempore pro le avantiatos in
informatica le stabilitate del canal serea certificate per un stabile
servitor de IRC (Freenode) e per un bon cliente de IRC (seligite per illes).
Io adde: forsan le version webchat deberea ser construite assi, que le fundo
del fenestra pro chattar pote ser cambiabile (io suppone, le fundo blanc es
fatigante pro le oculos durante horas; illo deberea ser nigre, o in alicun
color obscur). E iste canal webchat de interlingua poterea ser includite in
le sito www.interlingua.com, pro trovar e usar lo facilemente. E alora in le
dies e horas predestinate (actualmente mercuridis e sabbatos ab 19h UTC =
20h CET) personas non experte in usar IRC poterea adjunger se a nos. Il es
importante haber fixe tempores pro le chat, nos es tanto pauc, que nos debe
determinar fixe tempores pro ser secur, que nos nos incontrara certemente.

Péter Kovács

--
Archivos e disabonar: http://listserv.icors.org/archives/INTERLNG.html