Hodie es le die pro memorar le luctatores pro independentia in 1956 in
Hungaria. Pro iste occasion io traduceva un "numero (?)" musical del gruppo
rock Kárpátia. "Neveket akarok hallani" - "Io vole audir nomines". Le
melodia es scribite a un texto recitate per Mária Wittner, qui era
condemnate e ponite in prision alora a causa de su activitate in le
revolution. (Hodie illa es un active politichista.) Le verso es de alicuno
altere, solmente recitate per illa (lo que io traceva per rimas), ma le
parte prosaic in le numero es su proprie texto, dicite per se mesme.
In le verso citate e in su proprie texto seniora Wittner es curiose super le
nomines del executores del revolution, qui lo ha abattite e illa pone le
question: esque on debe pardonar tote le criminales que iste communistas ha
facite pro abatter le revolution. Quanto io suppone, iste su oration se
audiva in le parlamento hungare, ubi sedeva alora e sede ora le successores
del communistas (nam le Partito Socialista Hungare es le successor juridic
del Partito Socialista Hungare de Laboratores, le partito communista ante
1989-90), mesmo tamben alicun ex-communistas sedeva in le parlamento alora,
quando iste oration se audiva, qui ha activemente participate in le
abattimento del revolution post 1956. Pro isto le oration de Mária Wittner
se calcula mesmo plus coragiose, considerante iste facto. (Illa ha tamben un
altere si coragiose oration parlamentari in 2001, que io va traducer postea.
In illo illa declara le communistas e lor successores - habente sidite in le
parlamento justo alora tamben - a "cadaveres moral"...)
Regrettabilemente io non ancora poteva poner le video e le subtitulos in
interlingua a inter le videos de Google, ma vos pote reguardar e ascoltar
iste pecia de musica in Youtube, sin subtitulos in interlingua, sub le ligamine
http://www.youtube.com/watch?v=WYLwj-MjR1E&mode=related&search=
In le montage video se vide original registrationes super le revolution e se
vide duo photos. Le un es de Antal Apró (le patre de Piroska Apró, qui es le
matre affin de Ferenc Gyurcsány, le prime ministro actual de Hungaria...),
le altere es de János Kádár. On pensa iste duo personas le plus culpabiles
pro le abbatimento del revolution (adjutate per le truppas russe), le
imprisionamentos, massacros, etc.
Io vole audir nomines
de '56; de su carnifices!
Un revolution, que pur era;
judicar lo qui osava?
Le peccato peccato remane;
A lor manos sanguine adhere!
Pietate illes non attende
de Deo o del homine!
Mille victimas ora
monstra a supra del tumba:
traitor, homicida
in Terra Sancte non reposa!
Nomines audir io vole!
Pardonar io non pote
pro le longe annos in carcere,
pro le lacrimas a in le pulvere!
Le peccato peccato remane;
A lor manos sanguine adhere!
Pietate illes non attende
de Deo o del homine!
Mille victimas ora
monstra a supra del tumba:
traitor, homicida
in Terra Sancte non reposa!
"Esque le mundo attende ora de nos, que nos pardona solmente de pietate
christian e nos vade plus?
Esque nos debe pardonar a los qui ha fullate infantes per erucas, a los qui
ha commandate le salva?
Esque nos debe pardonar le massacro, le represalia cruel de multe annos?
Esque nos debe oblidar, que on ha interrate le hungaros le capite avante;
que pro multes remaneva solmente le emigration?
Esque nos debe pardonar le horrores terribile del tormentos, le ultime
parolas del condemnatos?
Esque nos debe pardonar istos e postea le historia les judicara?
No! No e no!
(Maria Wittner)
Le peccato peccato remane;
A lor manos sanguine adhere!
Pietate illes non attende
de Deo o del homine!
Mille victimas ora
monstra a supra del tumba:
traitor, homicida
in Terra Sancte non reposa!
Le peccato peccato remane;
A lor manos sanguine adhere!
Pietate illes non attende
de Deo o del homine!
Mille victimas ora
monstra a supra del tumba:
traitor, homicida
in Terra Sancte non reposa!
Iste ultime duo lineas es remarcabile pro causas actualpolitic: recentemente
alicunos los ha prendite seriosemente e disinterrava (exhumava) le cadavere
de János Kádár secretemente durante un nocte e furava alicunes de su ossos,
inclusive su cranio. Le culpabiles son ancora non cognoscite per le policia
e le ossos non era retrovate...
--
Archivos e disabonar: http://listserv.icors.org/archives/INTERLNG.html
|
