Il pote esser que vos ha legite o audite que ETA ha declarate un tregua indefinite. Illo es le prime tregua indefinite que le organisation armate ha declarate in su longe historia de 30 annos.

Malgrado multes in le Partito Popular (conservative, in le governamento) e le Partito Socialista (le prime partito del oposition) remane sceptic, io es felice e ha un grande sperantia. Il es ver que le conflicto basc es (era?) de basse intensitate e que nos vive quasi como in qualcunque altere loco ab le Communitate Europee (le situation del Ulster esseva multo pejor); ma iste conflicto invenena nostre relationes personales, nostre culturas, nostre politica. Nostre vita, in summa. 

Si vos es interessate, per favor, lege le jornales espaniol e basc in le rete:

Euskadi Información (le jornal officiose de Herri Batasuna, le bracio politic de ETA): http://www.contrast.org/egin/

Diario de Noticias (un puncto de vista moderate ab Navarra, ubi io nasceva e vive): http://www.noticiasdenavarra.com/

El País (multo proxime al Partito Socialista): http://www.elpais.es/