Car Josu

Depost nostre ultime correspondentia (que, tu memora, era un poc cargate) io
lassava e iste foro (INTERLNG) e interlingua-coollist.
Io, como nostre amico Carlos, perdeva mi enthusiasmo pro ia, e non poteva
trovar qualcunque ration pro continuar uasr lo.
Io me disabbonnava de iste lista e de coollist.
Hodie io retorna hic le primera vice, e io vide tu messages relatante a le
DNI e DIN.
Isto es vermente un obra magnificente. Io, ab hodie jam ha comenciate a usar
lo  (quia un de mi matre linguas, tu jam sape,
es le Hollandese), e io debe dicer il es un gaudimento usar iste
dictionario. Illo non solo adjuta me
in scriber in ia, ma anque il extende mi cognoscentia del Hollandese (io non
ha multo opportunitate de usar Hollandese).
Tunc, io extende mi gratias a Piet Cleij pro le creation de iste
dictionarios (le quales son, in mi estimation, superior
quam  le dictionario ia-Anglese) e a Pierre Morin pro facer lo in un forma
electronic.


Sape, Josu, que il me totalmente non surprende que il ha nulle reaction a tu
message, proque nos (tu, Carlos, io.. et forsan poc alteres)
jam diceva ad nauseam que ia (como un auxlingua) es morte: io non ha
changate iste evaluation mie.
Totevia, io retornava proque le usa de interlingua es, pro me, un exercitio
mental que es multo agradabile, e nunc le ration de
continuar usar ia es proque isto me delecta. Io spera que Carlos va retornar
a ia. Io spera que il potera penser de "facer interlingua"
como un passatempo agradabile, que da ad ille gaudimento purmente in su usa
(como unos "face Sudoku" etc.): le usa es le ration e le joya,
e il non ha besonio "travaliar" pro necuno altere.

in gratitude del wikIA-istas, semper
Andrew

--
Archivos e disabonar: http://listserv.icors.org/archives/INTERLNG.html