"Harleigh Kyson Jr." wrote:

> (...)
>
> (Eventualmente, le systema electronic devenira
> universal e facilemente accessibile, e le usatores de
> illos imprimera usante impressores local le documentos
> que illes volera haber sur papiro.)

In le Radio National de Svedia on narrava ante alcun menses
que le Bibliotheca Regal de Stockholm (que es un del plus
importante bibliotheca in Svedia in simul con le altere
bibliotecas in le urbes universitari) collecta anque
"electronica" como paginas del rete e altere publicationes
electronic.

Io pote jam nunc cercar le catalogo del bibliotheca municipal
(communal) in Uppsala del casa, e como possessor de un carta
bibliothecari io pote notar libros que io vole prestar via le
computator a mi casa. Isto es un "revolution" que ha
occurrite multo rapido.

Le question del derectos de autor (copyright) certo pote
esser un obstaculo in le distribution electronic si longe que
on non ha excogitate un maniera pro pagar le autores.

Le problema es que quando le usator de un sorta de computator
compra un nove, il pote occurrer que ille non plus potera
leger le vetere medios. Iste cosa stupide io faceva con mi
Amstrad, sur le qual io habeva un massa de cosas
interessante. Io vendeva le computator e side con le
dischettos illegibile! Il es naturalmente possibile
transmitter le contento a un altere medio, ma isto costa
pecunia!

Kjell R