Car amicos,

Ante alicun minutas me ha attingite un triste nova de Brasil:

Estimate Senior Piet Cleij,

Il es con immense pesar que nos vos communica le transpassamento de
nostre car collega e amico WALDSON PINHEIRA, membro del Consilio
General del UMI, le die 06 de januario, a causa de un attacco cardiac
(infarcto fulminante), conforme information recipite ab su filia.
Lamentabilemente isto esseva un grande perdita pro nostre disveloppamento
de interlingua. Nostre proxime Conferentia Brasilian pro Interlingua
(COBINTER) jam habeva essite programmate pro esser realisate a
NATAL-RN, citate de nostre Representante Waldson, in julio del currente
anno.

Ab
Gilson Passos
Presidente del
Union Brasilian pro Interlingua