GITÄ
Raul Seixas / Paulo Coelho

(Io, qui ja ambulava per le quatro angulos del mundo a cercar, il ha
essite justo in un sonio que Ille me parlava...)

A vices tu me questiona
Perque io es tanto silente.
Io parla de amor quasi nihil,
ni resta surridente juxta te.

Tu pensa a me omne hora,
Tu me mangia, me sputa e me lassa.
Forsan tu non comprendera
Ma hodie io te va monstrar.

Io es le luce del stellas,
Io es le color del luna,
Io es le cosas del vita,
Io es le timor de amar.

Io es le timor del debile,
Le fortia del imagination,
Le bluff del jocator,
Io es,
    Io era,
        Io sera.
(Gitä, Gitä, Gitä, Gitä)

Io es tu sacrificio,
Le placardo de senso contrarie,
Le sanguine in le reguardo del vampir,
E le juramentos de malediction.

Io es le candela que se accende,
Io es le luce que se extingue,
Io es le bordo del abysso,
Io es
    Le toto
        E le nihil.

Perque tu me questiona?
Questiones non te monstrara
Que io es facite del Terra,
Del Foco, del Aqua e del Aere.

Tu me habe omne die,
Ma tu non sape si es bon o mal.
Ma sape que io es in te
Ma tu non es in me.

Del tegulas io es le tecto,
Le pisca del piscator,
Le littera "A" contine mi nomine,
Del sonios io es le amor.

Io es le matre de familia
In le botecas del mundo,
Io es le mano del carnifice,
Io es plan,
    Large,
        Profunde.
(Gitä, Gitä, Gitä, Gitä)

Io es le musca del suppa
E le dente del squalo,
Io es le oculos del ceco
E le cecitade del vision.

Io es le amaritude del lingua,
Le matre, le patre e le granpatre,
Le filio qui ancora non veniva,
Le initio,
    Le fin
        E le medio.
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]

INTERLINGUA - lingua auxiliar international
    Info : http://www.interlingua.com
 Grammar : http://www.nautilus.com.br/~ensjo/interlingua/english.html