[le questiones de Tuvia e Mia a Jay]
 > ma le question de Tuvia (e alsi de Mia) es proque apprender le lingua
international >Interlingua nunc, s'il non es obvie pro me le beneficios que
illa pote offerir pro me, >ille pare dicer. Pote alcun del lista offerir
alco in adjuta super iste question?  Hic >infra le thema in question de
Tuvia...

 Pro me le beneficios de interlingua era immediatemente
 obvie.

 Puncto un:
 Iste dialecto commun de anglese, espaniol,
 portugese, italiano, francese, etc. es PRACTIC.
 Pro me como angloparlante, apprehender interlingua es
 un passo verso iste altere linguas. Anque verso le
 latino ipse. Io ha con successo usate interlingua in
 communicationes con franceses, espaniolparlantes, e
 brazilianos.

 Puncto duo:
 Le apprehension de latino classic ha essite semper
 considerate como un grande adjuta al angloparlantes
 in comprehender lor proprie lingua. In mi opinion, le
 apprehension de interlingua da le mesme adjuta sin
 le grande difficultates de latino classic.

 Puncto tres:
 Io non sonia troppo super lo que interlingua devinira
 in le futuro. Le lingua es belle, intelligente, e practic--
 e generalmente ha le poter a servir le humanitate hodie.
 Al grado que le humanitate recognosce iste su poter, illo
 pote haber un grande o un parve successo.  Ma iste
 recognoscentia venira non per argumentos in anglese, sed
 per experientias in interlingua ipse! Si personas ha
 un experientia juste de interlingua e non vide (o vole
 vider) le mesme cosas que io vide...alora!, que poterea
 io plus facer con argumentation que le experientia era
 incapabile a facer?

 Puncto quatro:
 Le veritate ha su proprie poter.  Discipulos de un "veritate"
 ha ni le capacitate ni le responsibilite a esser plus forte
 que le veritate que illes predica. Si alicun "veritate"
 depende troppo ab le effortios de su discipulos, forsan
 sia le "veritate" ipse un pauco debile. Tu sape certemente,
 Jay, le instructiones date per Ieshua a su discipulos,
 "Quando personas vos non recipe, quita ille urbe e libera
 vostre pedes de su pulvere como testimonio contra illes."
 Forsan alteremente dicite--non perde troppo vostre tempore
 con obstinates.

 -- frank