Salute a totes.

Io acquireva le dominio interlingua-es.com pro facer un sito pro diffunder
interlingua in Espania (io non cognosce un association pro interlingua in
Espania) e in altere locos con parlatores de espaniol. Le idea que io ha es
facer un "Association Virtual Espaniol pro Interlingua", que non esserea
legal ma que esserea un bon maniera de haber un certe organisation o
association pro le interlinguistas espaniol e altere personas qui totevia
non cognosce interlingua in Espania, e que facerea plus facile, io crede, le
formation de un association legal, proque illo (le prime "association") jam
haberea membros (io facera propaganda quando io potera per le internet e per
parlar super interlingua a personas qui io cognosce) qui poterea cognoscer
le association legal e unir se a illo si illes voleva. Le idea non es que
illo sia solmente un pagina con information in espaniol o pro parlatores de
espaniol. Qualcunque persona, sia o non sia espaniol iste persona, pote
esser membro del association, ma le contento es pensate pro le parlatores de
espaniol, super toto le espanioles. E illo non essera solmente paginas con
information in espaniol, ma illo essera mesmo un medio pro que le
interlinguistas espaniol pote incontrar se (io parla super incontros physic)
e parlar in interlingua.

Il non ha contento in le sito totevia, ma on pote devenir membro per vader a
http://posta.interlingua-es.com On obtene un adresse
@posta.interlingua-es.com (que functiona mesmo como
@correo.interlingua-es.com) e spatio web sub
http://membros.interlingua-es.com/ Illo habera altere servicios como chats,
foros e altere cosas que totevia non functiona. Il ha jam un lista de posta
a http://lista.interlingua-es.com  , con le paginas totevia sin traducer.

(Jay Bowks:)
>Isto, depost
>del tante projectos que nunc son
>al puncto de poner me folle >:-P

Le mesme cosa occurre a me. Le differentia es que io solmente los comenciava
e, pro mi pigressa natural, io faceva multe cambios e deleva multe cosas
e... e io totevia non faceva necun cosa complete que sia ora functionante.

Rodrigo
qui comencia multe cosas ma fini minus