>--- Peter Kovacs <[log in to unmask]> scribeva:
>
>> le
>> dictatura time specialmente de linguas, le quales
>> servi le communication
>> _international_, i.e. le communication con
>> _estranieros_.

On Thu, 13 Oct 2005 09:19:34 -0700, d gasper <[log in to unmask]> wrote:

>Vermente? Alora pro que ha La Habana essite le sito de
>un del plus succesose congressos universal de
>esperanto? E il ha un association esperantista assatis
>active in le pais.

Interlingua es alicun altere cosa, que esperanto (o que ido - Donald Gasper
sape, que soventemente le movimento de ido habeva anque un character
fortemente sinistre, nam ille explora le historia de un cooperativa idista,
 fundate e/o guidate per travaliatores "sinistre" in le Union Sovietic.
Illes era prisioneros, ma totevia de ideologia communista). Interlingua es
neutral viste le ideologias, durante que esperanto non era sempre un tal. Io
non ja memora, qui me ha narrate isto, esque Ingvar, esque Ferenc (forsan
ambes), ma in Hungaria durante le communismo homines habeva empleate per le
stato communista hungare pro esser le conductores del movimento de esperanto
in Hungaria; dunque iste homines recipeva salario del stato pro iste lor
action. Le SAT (Sennaci/ec?/a Asocio (Amikaro?) Tutmonda), un importante
organisation del esperantistas es de ideologia fortemente sinistre anque
hodie, forsan mesmo communista. Io pensa, le systema cuban poteva
"comprender", decifrar e incorporar le movimento de esperanto, (como
semblamente anque le hungare) a causa del simile parolas de ordine, mottos
del esperanto (nascite del "homaranismo", cosmopolitismo de Zamenhof) e del
communismo, ma plus que un tal lingua auxiliar illo non poterea incorporar,
isto lo facerea ja un confusion. Le policieros del stato de Cuba sape, del
qual ideologia esperanto veni, ma illes non cognosce interlingua, illes non
cognosce su "ideologia" e non pote cognoscer lo; pro isto illes deveniva
nervose e le resultato vos ja sape a un caso concrete, que non plus deberea
esser mentionate hic. Io pensa, le acceptation de esperanto in Cuba anque
non vadeva immediatemente, de die a die; io suppone, le lingua era
persequite in le prime tempores, ma lentemente ha se disgelate qualcosa sur
iste terreno. Dunque un tal acceptation de interlingua per le stato Cuba es
expectabile, ma multo lentemente; solmente post quando illo recognosce, que
interlingua es nullemente periculose a su sistema politic e a ulle stato de
ulle ideologia, etc.

Del altere latere on debe vider, que omne le touristas estranier es
benvenite in Cuba, e illes es ben hospitate; pro illes es felicemente toto
permittite, forsan pro isto poteva succeder un conferentia de esperanto tal
ben in Cuba. Ma lo que es permittite pro le estranieros, non es permittite
pro le inhabitantes; illes es tractate alteremente.

Péter Kovács

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================