d[010318] x[Kiviaho Allan] z[KivA-13Ib interlng AalE GruR JesF KanI KilU
KosO StoJ]
r[KivA-13H] s[Proximitate genetic de russos] c[+finnos +russia
+genetica]
Usa le fonte Courier New 10 o Courier 10, per favor!
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
Car companieros interlinguacistas!
-----------------------------
Proximitate genetic de russos
Un breve historia
-----------------------------
Le finnos ha habitate como vicinos de russos durante
1000 annos (certe nationes finno-ugric "semper"),
Finlandia ha essite totalmente occupate per Russia
in 1713-21, 1742-43 e 1809-1918 e faceva guerra contra
Russia solmente durante le ultime 83 annos (inter
1917-44) ca 6 vices:
- 1916-17 le battalion voluntari finlandese in le
armea imperial german luctava contra russos in
Latvia
- 1918 le guerra de liberation in Finlandia
- 1918-20 le guerras confuse inter le finlandeses
blanc, britones ("le Legion de Murmansk"
[*]), finlandeses rubie e le bolszevikos
russe in Carelia.
- 1919 duo regimentos voluntari finlandese
participava al guerra de liberation de
Estonia
- 1939-40 Le Guerra Hibernal (Finlandia era salvate
con marginale microscopic)
- 1941-43 Un battalion finlandese de Waffen SS luctava
in Ukraina e Caucasia (al rivo Terek, ante
Groznyí in Czeczenia)
- 1941-44 Le Guerra Continuante (Le armea finlandese
occupava grande territorias del URSS sed
in 1944 post le grande offensivos sovietic
Finlandia deberea luctar de novo pro su
supervivo in gigantesc battalias material
al Isthmo de Carelia (le battalia epic
de Tali-Ihantala, 70 000 russos contra
30 000 finlandeses in un area de 10x10
kilometros, con forte artilleria e multe
carros armate e aviones - le plus grande
battalia del historia de Fennoscandia plus
duo altere battalias decisive;
Vuosalmi-Äyräpää e Ilomantsi). Finlandia era
de novo vix salvate.
[*] Le "Legion de Murmansk" es un phase bizarre in
historia. Iste truppa era formate ex le obreros
finlandese que habeva travaliate al ferrovia de
Murmansk e le soldatos del armea rubie finlandese qui
habeva escappate a Russia post le perdite guerra civil
in Finlandia. Iste truppa luctava sub nomine
"Expedition nordic", sub commando de Iivo Anhava, in
Carelia russe ("Carelia de Viena") contra le truppas
del armea blanc finlandese. Quando in position
difficile le truppa rubie inrolava se le 1918-06-07
como "Legion finlandese" a truppas britannic que
habeva occupate le area de Murmansk in Russia del
nord-west. Le Legion finlandese consisteva de 900
soldatos sed illo cresceva a 1400 soldatos in 1919.
Le situation era multo extravagante - soldatos rubie
in regal truppas britannic ... E contra qui luctava
iste truppa? Io ha le historia del Legion de Murmansk
sed illo es a nostre cabina finseptimana in foreste
a 135 kilometros de nostre casa. Io suppone que le
britones habeva arrivate al area de Murmansk pro
assister in construction de ferrovia ab Murmansk a
Sankt Peterburg pro accurtar le linea del supporto
de Russia in su lucta contra Germania e su alliatos.
Nunc le route de supporto iva via Vladivostok trans
Siberia - un route multo longe. Postea le truppas
britannic presumibilemente volerea adjutar le armea
blanc russe (de facto inimicos del Legion finlandese)
contra le bolszevikos (alliatos del Legion) in le
guerra civil de Russia.
Finlandia certemente non voleva luctar contra le
britones, de facto le torpedineros e submarinos
britannic attaccava bolszevikos russe (le base naval
de Kronsztadt ante Sankt Peterburg/Petrograd/Lenin-
grad) ab territoria finlandese. Sed supposemente il
habeva alicun scaramucias inter le finlandeses blanc e
le soldatos finlandese del Legion de Murmansk.
Le governamento de Finlandia e le britones negotiava
le fato de membros del Legion de Murmansk. Retro in
Finlandia le retornate finlandeses rubie habeva varie
fatos sed io suppone que nemo de illes era
arquebusate. E io suppone - sed non sape - que un
parte del rubies iva a Britannia e ultrapassante al
Statos Unite e a Canada.
Le consiliero politic de finlandeses in le Legion de
Murmansk era ab 1918-09-23 Oskari Tokoi, un socialista
modeste. Ille retornava ab Murmansk in un cruciero
britannic que faceva un scala a Tallinn, Estonia (Io
e mi marita face deman "un scala" de duo dies a
Tallinn ...). In Tallinn era in iste periodo truppas
finlandese que participava in le guerra de liberation
de Estonia. Quando le finlandeses apprendeva que
Oskari Tokoi era a bordo del nave un officiero
finlandese proponeva a un officiero britannic que si
ille deluderea sr Tokoi al quai, con alicun excusa e
contra compensation, "le finlandeses exequerea le
resto". "Exequer" haberea essite arquebusamento,
naturalmente, proque omne capites del Finlandia rubie
durante le guerra civil era sub pena capital.
Oskari Tokoi escappava al Statos Unite ubi ille faceva
un carriera remarcabile como politico. In le 1950es
le parlamento finlandese invitava Oskari Tokoi a
Finlandia pro lecturar al parlamento. Tunc un empleato
trovava a su horror que le sententia de morte de
Oskari Tokoi era ancora valide in Finlandia. Iste
sententia era rapidissemente annullate ...
----------------------------------------------------
Proximitate genetic de russos con alicun nationes
de Europa del west (secundo mesuration craniometric)
----------------------------------------------------
Russia
Germania 4.05
Finlandia 4.24
Francia 4.86
Czechia 4.92
Austria 5.77
Svedia 6.47
Britannia 7.03
Saame 9.11
Norvegia 10.34
Assi, le proximitate de proto-nationes germanic e
slavic pena plus quam le multe frictiones inter le
russos e finlandeses.
--------------------------------------------------
Proximitate genetic de alicun nationes europee con
buryatos (un nation mongolic) secundo mesuration
craniometric
--------------------------------------------------
Buryatia
Austria 32.38
Russia 33.50
Saame 36.50
Norvegia 36.78
Finlandia 36.91
Germania 40.77
Svedia 41.28
Francia 45.37
Czechia 47.73
Britannia 51.12
Ex qual veni le proximitate de austrianos con le
nationes oriental? Forsan le methodo craniometric non
multo solide.
------------------------------------------------------
Proximitate genetic de italianos con le turcos secundo
mesuration de distantias X^2 per frequentias allele
------------------------------------------------------
Referente a KivA-13H
Turchia
1. Italia 13.66
2. Bulgaria 14.98
3. Romania 15.55
4. Grecia 15.85
5. Espania 16.16
6. Austria 16.87
7. Hungaria 17.57
8. Francia 17.64
9. Helvetia 18.08
10. Germania 18.34
Qual explica le alte relative proximitate genetic
inter le italianos e turcos? (Ver, 13.66 non significa
MULTO alte proximitate).
Le resultato forsan non es tal mystic. Il ha essite un
alte friction inter le italianos e turcos durante
seculos (In Dalmatia, le Peloponnesos, Creta e altere
insulas), Mar Nigre, le continuante guerras naval e
actiones piratic con grande influxos de servos in ambe
direction, alicun invasiones de turcos a Italia, le
colonias mercantil de Venezia e Genova in Istanbul
etc.
Con salutes genettantesc (genetic-dilettantesc)
Allan
Luca, ha tu vidite un brillantissime pelicula
italo-turc: "Il banio turco"?
|
