Car camaradas whorfianas e anti-whorfianas! Avergoniante io
remarcava que io habeva reexpedite alicunos de mi messages
whorfian. Io pensa que io habeva usate un adresse erronee
con mi Whorf numero VI (maelstorm pro maelstrom) ma io
credeva que omne messages era providite con un adresse
false. Un vergonia eternal a me! Pardono!
======================================================
Der kaiserliche und ko"nigliche o"sterreich-ungarische
Kriegsgefangene
======================================================
Mi prime chef era diplom-ingeniero Nils Eneba"ck
(1955--62). Su patre era un heroe national, un prestre in
le citate Ekena"s/Tammisaari, que refusava a declarar le
ordines de governamento czaristic de Russia pro conscriptiones, que
violava le constitution del Grande
Principato de Finlandia.
Le archiepiscopo de Finlandia, Gustaf Johansson, era un
serviente loyal del Czar e ille dimitteva le prestre
de Ekena"s. Le nepto del Gustaf Johansson, Osmo Kaila,
qui moriva ante 2-3 annos, era le patrino de nostre
filia. Le marita del Nils Eneba"ck era Maija Jansson,
un cosina de Tove Jansson, un artista de fama universal,
le creator del Muumi (Moomy) - trolles. Postea le guerra
de Liberation le patre de Nils Eneba"ck era rehabilitate
e le archiepiscopo Gustaf Johansson, le "traitor al
patria" se debeva mitter al retiramento. Su relatives
cambiava lor nomine a un nomine finnese, Kaila. Le Kailas
son un familia multo talentose e famose.
Un cosino de Nils Eneba"ck era un Sr. Fager, que inrolava
se al armea Russe. Ille era un ryttma"stare (Rittmeister,
un capitano del cavalleria) quando le Prime Guerra Mundial
erumpeva. Jam in le prime battalia in Galizia contra le
cavalleria hungare ille era jectate in basso e le soldatos
hungare preparava se a pulsar un bayonetta per ille quando
ille videva alicun officieros hungare passante. Ille critava: 'Hilfe,
ich bin kein Russe, ich bin ein finnischer Offizier!' (Adjuta, io non es
russo, io es un officiero
finlandese!). Le officieros hungare salvava ille e ille
era permittite de habitar in libertate in un parve citate
hungare contra le parola de honor durante le resto del
guerra.
Le relatives del Herr Rittmeister Fager era multo patriotic
e illes considerava le como un traitor al patria. Quando ille era
retornate a casa, le relatives appellava le le
resto su vita 'Der kaiserliche und ko"nigliche o"sterreich-
ungarische Kriegsgefangene' (Le imperial e regal austro-
hungare prisoniero de guerra).
Plus tarde Sr. Fager moveva se a U.S.A. e ille deveniva multo ric per
speculationes con de immobiliari.
Salutante cavalleristic (*)
Allan Kiviaho
Un sergente de Finlandia republican e plebeie.
(*)
Le patre de mi marita serviva como un cavallero in le
armea quando ille era un conscripte, ma in su ambe guerras (1939--40 e
1941--44) ille luctava como un infanterista commun.
|
