[log in to unmask] wrote:

>David Hume e le philophes optimiste francese:
>
>Post ascoltar optimistas francese como
>Anne-Robert-Jacques Turgot, Jean Le Rond D'Alembert,
>Jean-Jacques Rousseau, e alteres, David Hume scriberva
>su "Essay on the Idea of a Perfect Commonwealth"
>(Essayo sur le idea de un republica perfecte ["res
>publica": latino pro "cosa public"]).  Ille habeva
>suspiciciones que tal philosophos poterea causar
>multe damno si illes designava un systema governmental
>circum lor ideas sur le perfectibilitate del natura
>human.
>
>Hume admirava mechanismos de demora in un governamento
>dividite.  In le seculo XVII, post lor expulsion
>del espanioles, il non esseva clar qui governava
>le hollandeses.  Assi, illes formava un governamento
>ex le Provincias Unite de Nederland in le qual omne
>provincias debeva approbar decisiones crucial como
>le declaration del guerra.
>
>Iste requirimento sovente habeva le effecto de
>retardar
>decisiones usque le crise immediate habeva
>disapparite.  Il pare que Hume videva le virtute
>de iste soveranitate diffuse, que sovente, ma non
>sempre, poteva evitar decisiones precipitate serie.
>
>Un ex le institutiones inspirate per le governamento
>limitate de Hume es le senato del Statos Unite.
>Iste corpore, minus representante que le camera
>de diputatos, ha duo membros ex cata stato.  Primo
>le parlamentos del statos eligeva iste senatores
>federal, ma nunc omne le electorato del statos les
>elige.
>
>Le senato debe approbar ministros e judices federal
>nominate per le presidente.  Illo anque debe ratificar
>tractatos international del Statos Unite.  Illo
>anque functiona como jurato quando le camera de
>diputatos accusa un functionario public (judice
>o mesmo le presidente) de conducta criminal.  Un
>condemnation require duo tertios de su membros.
>
>Le branca executive de nostre governamento federal
>(o sia le presidente, su ministros, e lor personal),
>ha le function de executar nostre leges federal,
>e le presidente anque ha le poter de vetar un lege
>del congresso.  Ma su veto pote esser nullificate
>per duo tertios del membros de ambe cameras del
>congresso.
>
>Nostre branca judicial ha le poter de vetar
>legislation
>del congresso e actos contra le constitution del
>executivo.  Le nove judices del corte supreme federal
>ha le ultime jurisdiction in iste processo.
>
>Infelicemente, nostre branca judicial ha un historia
>de appoiar multe cosas mal, includente le sclavitute
>in le Statos Unite e leges contra actos homosexual
>a causa de pression politic per nostre christianos.
>Ma nos ha habite un victoria importante recentemente
>in nostre corte supreme quando illo nullificava
>omne le leges contra le sodomia de nostre statos.
>
>Le causa legal immediate de iste nullification
>comenciava quando un agente de policia in Texas
>invadeva le camera de dormir de duo homosexuales,
>les videva in le acto de futuer, e les arrestava.
>(Il pare que origine de iste invasion esseva un
>vicino christian lore qui les odiava e qui demandava
>un investigation per le policia de lor vita private.)
>
>In despecto de iste victoria, il ha multe problemas
>de discrimination racial, ethnic, economic, e social
>in le Statos Unite.  Nostre societate es
>fundamentalmente dividite a causa de illos, e il
>es impossibile predicer le resolution de iste
>conflictos in le futuro.  Ma nostre guerra cultural
>continua.
>
>
Le Statos Unite, vidite de mi horisonte in Svedia, es un pais multo
paradoxal, e io debe dicer multo excitative. Io es un de iste estranie
specie human qui ama jectar le scarpas via e camminar discalceate quando
le tempore (temperie) lo permitte. In un gruppo de discussion sur le
UseNet io pote leger de personas in le Statos Unite de A qui non es
permittite intrar in botecas o magasines sin scarpas. In Svedia isto
nunquam ha occurrite a me, al minus non in Uppsala o in Stockholm.

Un altere interessante differentia es que in Svedia - e io suppone in
tote Europa - infantes usque 5 annos pote ir sin vestimento baniari sur
le plages sin problemas, ma infantes nude sembla esser prohibite in le
Statos Unite. Io audiva de un familia svedese que habeva le policia in
le casa nam illes permitteva al infantes currer in lor gason - sur le
territorio del casa - nude quando il faceva multo calide.

Del altere latere on sembla permitter un grande individualitate apud le
humanos in le Statos Unite, e il me sembla, depdnedente de lo que io
audi del Statos Unite, que in multe respectos le individuo vermente pote
practicar un alte grado de libertate individual, ma vos debe conceder
que le differentias es interessante, o forsan mesmo amusante.

Kjell R