Io non es certe si le resto del abonantes a interlng ha le
accesso al varie gruppos de notitias in le interrete. Potesser
Jay, e Kjell R. lo possede.  Mais si nos va interessar alteros
in interlingua, nos debe cercar los, hodie in le interrete.
Io recentemente ha habite plure discussiones super interlingua
in sci.lang e soc.culture.europe.  Mais io anque visita le
gruppos de soc.culture.italian, soc.culture.catalan, soc.culture.spain,
soc.culture.galiza, soc.culture.francese.  Il esserea un bon
exemplo del utilitate de interlingua si nos discuter con le un
le altere in interlingua super certe topicos--qualcunque.
In soc.culture.europe il ha un thema perennial super qual lingua
auxiliar va devenir le lingua official del EU.  Isto frequentemente
presenta opportunitates a injicer le candidatura de interlingua.
Mais con solmente un o duo parlantes de interlingua, il non es
multo convincente o persuasive.

Stan Mulaik