Antecedente: sr Bianchi es un italian de medie etate. Ille studiava le Anglese
desde le etate de deceun annos, antea in schola e postea in le travalio, quia
ille laborava semper pro corporation multinationale. Post assi tante annos,
ille pote leger un jornal o un libro in anglese moderne quasi sin dictionario.
Sr. Bianchi ama le Anglese.

Ma sovente sr. Bianchi debe parlar in Anglese, al telephono o facie-a-facie
(directemente). Ecce alcun situation typic:

1. Ille parla con un anglophone native qui ha un pronunciation insolite. Le
anglophone intende sin difficultate le Anglese de sr. Bianchi, al contrario
ille comprende un parola inter dece.

SOLUTION HONESTE: le anglophone va parlar Interlingua, e sr. Bianchi continua
parlar Anglese.

2. Sr. Bianchi debe negotiar alcun condition economic con plure individuos de
varie linguas romance. Ille debe justificar su position al fin de non accordar
un reduction excessive del precios, ma il es penose disputar in un lingua non
native.

SOLUTION HONESTE: sr Bianchi e le romancephones va parlar Interlingua.

3. In un reunion, sr. Bianchi e dece collegas de varie linguas romance va
parlar inter los. Un sol anglophone native participa al reunion. Si sr.
Bianchi esseva le sol romancephone in un reunion de anglophones native, pro
esser polite ille securmente parlerea Anglese.

SOLUTION HONESTE: totes va parlar Interlingua.

(ab le essayo: "Io habeva un sonio...", per robocap)

----- Original Message -----
From: "Ado Hall" <[log in to unmask]>
To: <[log in to unmask]>
Sent: Sunday, June 13, 2004 10:54 PM
Subject: Re: [INTERLNG] [collateralista] Re: Anglese como inimico?


> Allan Kiviaho ha scribite:
>
> >Forsan "inimico" non es le optime parola hic. Mi filia
> >es inseniator del anglese in un schola de tourismo, mi
> >filio affin es inseniator del anglese in le Academia
> >Militar Finlandese (ille ha essite como inseniator
> >mesmo in un universitate american [Bloomington], mi
> >filio (e filia) ha frequentate un schola american in
> >Suissa (Institute Montana, Zugerberg) quando io
> >travaliava in ille pais in 1983-85. ...E mi filia affin ha
> >travaliate tres vices in London, prime vice al firma
> >"Study Tours" e duo vices al grande aeroporta de
> >Heathtrow. Mi filio e filia affin ama le cultura britone
> >multo, illes reguarda omne peliculas britone in le TV
> >etc. ...
> >
> >Io lege libros e magazines plus in anglese quam in ulle
> >altere linguas.
> >
> >:: Sed io non vole que le anglese deveni le prime lingua
> >:: pro cosas practic in le Union Europee. Illo es le
> >:: motivo pro mi relation con interlingua.
> >
> >
> Io suppone que il ha centos de milles, si non milliones de europanos con
> historias personal similar.
>
> Tamen, il me pare que cata uno de illos, per su practica del lingua
> anglese, consolida le position del anglese como "prime lingua pro cosas
> practic".
>
> Le facto que le uso del anglese es tu deber o derecto o ambes, non
> cambia le processo de consolidification.
>
> Si il va haber un lucta (o cruciada o campania) pro diminuer le position
> e poter actual del anglese, an isto non debe comenciar con nos, a casa?
>
> Edo