Sergei Romanenko diceva que le sono TH del anglese (theta grec) es
"russificate" como F.

Io rememora le prime classes de anglese in le schola...

Nos usava un methodo audiovisual. Nos habeva un libro-texto, e le professor
usava slides e un banda con le textos parlate.

Io rememora le primissime lection:

(Introduction in le banda:)
     "English as it is in the U.S.A."
     "Book one."
     "Lesson one."
     "Friends"

(Prime slide, un garson con le mano sur su pectore:)
     "I am Robert Miller."

(Secunde slide, Robert presentante su soror:)
     "This is my sister Cathy."

Hic comenciava le problema. :-) Phonemas inexistente in portugese. Le "th"
sonor de "this" esseva promptemente convertite in "d" per nos. Ma "Cathy"
habeva tres versiones:

Illes que se teneva plus al scripto legeva le "thy" como un "ti" brasilian,
ergo "kétchi".

Le alteres, qui tentava imitar le pronunciation anglese (ancora estranie a
nos), usava le fonemas portugese le plus similar: alcunes "késsi"...

...e alteres "KÉFI", justo como le russos lo face!

Esserea isto un patrono mundial?

Curiosemente, :-)
Ensjo (Emerson José Silveira da Costa)
EH|_|_|O (EMEPCOH >|<O3É CN/\BENPA DA KOCTA)