In 1999 le genere human ha superate sex billiones de individuos: le duple del population in comparation a 40 annos antea. Al rhythmo de crescimento actual, cata anno il ha 77 milliones de buccas in plus a appaciar le fame. Quanquam le rata de fertilitate in alicun paises es clarmente in diminution, multe plus feminas attinge hodie le etate fertile: secundo le valutation del Organisation del Nationes Unite (ONU) in le 2050 in le mundo il habera inter 7,9 e 10,9 billiones de personas. Hodie, un quinte del habitantes del planeta vive in paises relativemente ric, ma quante terra illes usa e pollue in comparation al paises in via de disveloppamento?
Cata individuo in le mundo ha a disposition duo hectares pro le proprie mantenentia (*le vestigio ecologic), ma alicuno usa plus de isto: nos va superar longemente le capacitate de regeneration del terra. Cata italiano, per exemplo, usa 3,11 hectares: il suffice multiplicar le cifra per le numero del habitantes (58 milliones), e on obtene un superficie cinque vices superior a illo de Italia. Roma, pro satisfacer su necessitates, debe traher al ressources de un territorio 62 vices plus vaste in comparation al proprie.

*Le vestigio ecologic representa le superficie productive del terra necessari a sustener, a longe termination, le stylo de vita de omne individuo de un certe population. Illo es le valutation del solo usate pro cultivar, pro pasturar, pro construer, per le lignage, e le superficie del mares usate per le pisca.
Comprende in ultra le silva necessari per absorber le CO2 producite per le combustibiles fossile. In media, le vestigio in le paises industrialisate es quattro vices illo del paises in via de disveloppamento. Hodie nos usa un tertie del ressources in plus in comparation al capacitate de regeneration del planeta.

Per le "National Geographic" de Julio in italian.

Luca Ghitti
Via Rivadossa, 9/a
25042 Borno (BS)
Italia
[log in to unmask]