Si vos vole, vos pote leger le information in re le documento que io signava in le edition digital de El Pais de heri (section national).
Le terrorismo de ETA ha un historia longe que pote esser dividite in fases differente secundo le devenir historic. In general se pote affirmar que ETA lassava retro omne justification ethic post le deffection de le "poli-milis", ante dece-tres annos. Io esseva juvene alora e, benque mi ideales esseva -como ora- antimilitarista, le conductas violent de ETA Politic-Militar e de ETA Militar (le unic existente nunc) non me pareva similar. O, plus exactemente, lor conductas non-violent non esseva simile. Io vole dicer que ETA pm monstrava tendentia al dialogo e al analyse del realitate, e ETA m tendentia al frontismo militar.
Le dialogo inter le Governo espaniol e ETA pm, propitiate per Euskadiko Ezkerra, partito que io ipse votava, causava le integration de le majoritate del poli-milis in le societate (a proposito, "ezker(ra)" significa "sinistra" in basco, e illo es un parola que le espaniol, le catalan e le portuguese ha prendite).
Que ha nos ora? ETA Militar. Terribilemente militar. Terribilemente schematic in su projecto politic. Terribilemente nationalista. Terribilemente anti-libertari (quando le "etarras" voleva esser como le IRA pro attinger un pleno control social, illes assasinava parve venditores de heroina. Controlara illes, como faceva le IRA, le orthodoxia del vita sexual del maritos e sposas de lor prisioneros?). Terribilemente sectari e mortiferemente rancorose.
Vos ha legite tuto isto e forsan vos pote pensar que io comparte le politica anti-terrorista del Governo espaniol. Non. Ma illo esserea un thema pro scriber un altere texto.
Il ha un bon novella super le solitude, le sentimentos e lor absentia e le ETA del annos 80: "Gizona bere bakardadean" ("Le homine in su solitude"), scribite per Bernardo Atxaga. Vos pote leger lo si vos vole. Atxaga es cognoscite e traducite in multe locos. Si vos lo lege (illo pote esser trovate al rete in Amazonas), scribe vostre impressiones, per favor.

Ignacio.

PD: question frivole. Qual es mi etate e aspecto?