Mi car professor Stenström!

        Io es multo felice haber recurrite a vostre sapientia pro clarificar ille parve question re le uso del articulo definite con function pronominal in Interlingua. Vostre responsa es plus que clar, illo es vermente luminose.
        Io cognosce vostre brochure "Qui besonia Interlingua". Io lo ha imprimite ab le sito http:www.interlingua.com/node/195/print e io lo considera un del plus importante textos exemplar in Interlingua.
        Io non sape como regratiar vos pro vostre attention amical, sinon precante Deo que Ille stoppa le degeneration de vostre macula lutee e vos concede plure annos plus de vision satisfactori.

        Cordialmente e con grande admiration,

Carlos Alberto Santos
Aracaju - BRASIL

--
Archivos e disabonar: http://listserv.icors.org/archives/INTERLNG.html