Paul (LeCorde):  Tu conto super le thylacino esseva multo
interessante.  Totevia io time que malgrado le facto que
a clonar un nove thylacino va esser un grande complimento
scientific, il va esser pro nihil (del puncto de vista de
restorar le specie) si il non es possibile a clonar duo
thylacinos del sexo opposite e que illes copula e produce
infantes.  Le thylacino es solmente un de multe species
que ha devenite extincte a causa del activitates del
homine.

E le extinctiones non esseva solmente recente (ben que illos
ora occurre multo plus rapidemente e de scala large).
Un theoria es que le multe grande animales como le
mammut esseva occidite al extinction per le homines
primitive, particularmente in nord america.  Le homines
occideva e mangiava lor via de Alaska a Tierra del Fuego
in alcun pauc milles de annos, facente multe species
de grande animales devenir extincte.


Un articulo currente dice que certe forestas in Brasil
es practicamente extincte a causa de recente activitates
del homine.  Mais illes ha trovate evidentia que mesmo
le original habitantes del bassino del Amazon ha introducite
cambios in le foresta per lor agricultura--isto ante que
le europeos ha venite al continente.

Stan Mulaik