A Mario,

>Il se tracta de considerar si le sito del UMI pote haber un interesse
>general, que reguarda tote le  etates, mesmo le familias, le pueros, illes
>qui non ha comocunque necessitate de trovar se in compania con
>manifestationes que quicunque pote observar e, totevia, sin poner al
>attention de totos.

Totevia tu levamento de iste question ha provocate Harleigh, durante que
ille ha un derecto equal a questionar le ligamines al sito de
Paolo Castellina "Pro Biblia", o Jay con su sito pro chistianismo, o Jay
de Jan con su sito pro scepticismo, etc. etc.  Lo que uno pensa es mal
pro le filios, un altere reguarda tal prejudicio mal pro su filios. Kjell
ha dicite lo multo ben que nos es un gruppo diverse habitante culturas
diverse, e il es bon si nos modera nostre opiniones e monstra le respecto
e tolerantia a alteros.

A Jay, qui ha citate le Biblia:

> E como dice le Sacrate Scripturas...
> Romanos 1:24-27
> "Dunque, Deo delivrava les
> per lor ardente appetito
> sexual de lor cordes,
> pro impuritate, pro dishonorar
> lor corpores inter se
> mesme, qui excambiava le
> veritate de Deo pro un
> adoration false, e reverentiava
> e serviva le creation e non
> le Creator, qui es digne
> de esser laudate per
> le seculos de seculos.
> Per esso Deo les delivrava
> a passiones degradante
> proque mesmo lor feminas
> cambiava le uso natural
> pro illo que es innatural,
> e del mesme maniera anque
> le masculos lassava le uso
> natural del feminas e ardeva
> con furiose appetito sexual
> un pro le altere: masculos
> con masculos, committente
> indecentia e recipente
> inter se le recompensa pro
> lor error que esseva proprie."

Io interpreta aquelle phrases in
le contexto de aquellos que ha
precedite e sequite lo.  Paul
parla super le idolatria. E io
interpreta isto como a preoccupar se
con cosas finite al exclusion de
tu preoccupation ultime que es a
trovar significantia pro tu vita,
pro saper le via a un bon vita,
pro reguardar le mysteria que tu
e le mundo existe in loco de nihil.
Le Deo es le objecto de iste preoccupation
ultime, parlante metaphoricamente, proque
Deo non es un objecto que existe mais que
cosas existe.  "Illes se vanta de lor
sapientia, mais illes ha rendite se ridicule,
excambiante le splendor de Deo immortal pro
un imagine formate como le homine mortal,
mesmo pro imagines de aves, de bestias e
cosas reptic." Rom. 1:23.

Multe del practicas criticate  per Paul
esseva practicas in le ritos idolatrose
del religiones de Roma.  Il non es que
iste practicas in se mesme es mal, mais
le mal es a faller in recognoscer que
tal practicas non concerne le adoration
del ver Deo, Qui es tu Preoccupation
Ultime, e Qui non es un cosa finite que
existe.  Le idolatria pote occurrer con
tote cosas finite, con tote practicas e
actiones de esseres finite, quando on
confunde les pro tu Preoccupation Ultime.
Mesmo le religiose qui preoccupa se con
specific actos como si illes es le objecto
de lor adoration e non un medio per le
qual illes exprime lor adoration de Deo
cader in idolatria.  Deo es le Fundo de
tote cosas e pote esser approchate per
tote cosas, e quando on confunde le
medio e le sentiero con le destination
e le objecto de tu viage on pote cader
in le idolatria.

E le message de Paul equalmente es
que si on se preoccupa con su desiros
del corpore, como si lor satisfaction
es su preoccupation ultime, ille cade
in le idolatria.

Homosexualitate per se non es mal, mais
natural variation de humanitate exactemente
como sexo heterosexual es natural. Le
mal se leva in lassar le desiros--hetero-
o homosexual devenir le objecto de tu
preoccupation ultime.  E desiros non es
mal, ni es le satisfaction de desiros mal.
Lo que es mal es un vita in que le prioritates
es reverse, e le finite deveni un preoccupation
ultime. Si tu age con le amor tu exprime le
voler de Deo.

Stan Mulaik