From: "Jan Årmann" <[log in to unmask]>
> > Interlingua "eventualmente" e anglese "eventually"
> > es amicos false.  Io crede que on pote dice "al fin"
> > por "eventually".[...]
> Le mesme persona usa le parola 'unes' que me sembla esser un invention
> private. Regrettabilemente tu Tomaso es "infectate" de iste maladia proque
> tu anque usa iste parola in iste message. Io opina que le 'unes' es
> equalmente absurde como scriber in anglese: There are somes books on the
> table.[...]

Car amicos,
In mi opinion, si un persona vole usar
interlingua e provider material in illo,
toto ben. Si ille persona es imperfecte...
necun surprisa. Si nos discarga information
ab le internet e nos pensa que illo non
habera errores... le error plus grande
es nostre in creder que on recipe alco
pro nihil. Ma le obvie disponibilitate
de information sin costo al lector o
al discargator es le problema, si on
vole apprender Interlingua ab materiales
sin errores, forsan on debe comprar
materiales imprimite professionalmente
per le Servicio de Libros e tunc poner
fide in illo. Si on lege materiales in le
interrete ab un sito disveloppate per
un persona individual e offerite sin
costo on ha un cosa usabile ma forsan
imperfecte. Quando io scannava le
Grammatica de Gode/Blair io sapeva
que io non mundava lo de omne e tote
error, ma vide le travalio tanto excellente
que veniva ab ille comencios quando
alteres continuava con illo e poneva
lo multo professionalmente al web.

Interlingua es bastante juvene, in terminos
de linguas usate, mesmo le Esperanto jam
ha plus de un seculo de uso, nonne? Le
linguas national ha centos de annos, nonne?
Insister que on debe haber toto a iste
momento es demandar troppo ab le
voluntarios que dedica su tempore pro
le promotion de interlingua... si on vole
vider plus progresso on debe adjutar le
progresso. Isto es mi position e io parla
ab mi proprie experientia, io sape ben
que vos anque concordara que nos debe
incoragiar le progresso.

Progressivemente,
Jay B.