In le Statos Unite le Francmasoneria esseva multo popular intra le
elites que ha fundate le Statos Unite, como Jefferson, Washington,
Franklin, etc..  Multe signatores del Declaration de Independentia
esseva francmasones.  E le Francmasoneria remaneva popular e
contribueva al participation de multe homines excellente in lor
communitates usque le 1820s.  Que le symbolos de francmasoneria es
trovate super un nota de un dollar US non es un accidente, mais
reflice lor influentia al fundation del SUA.  In le 1820s, io crede,
in le Stato de Nove York un membro de un local logia del francmasones
indicava que ille intendeva a publicar le secretos del francmasoneria.
Possibilemente le membros del logia in question tractava lor juramento
a non revelar le secretos de francmasoneria o facie le morte al manos
de lor fratres troppo seriosemente.  Mais illes, con le adjuta del
local constabulo (qui esseva tanto ben un membro), le arrestava e alora
al nocte le portava in un parve nave trans le laco a Canada, ubi ille
non arrivava de toto.  Quando isto esseva revelate, le resto del
nation esseva horrificate, e le francmasoneria esseva tractate como
le mal del diabolo mesme.  De aquelle die postea le francmasoneria
vadeva in declino, ben que illo non jammais ha disapparite.

Stan Mulaik