Il es clar que le gente ha adaptate a certe locos ubi illes ha vivite
durante multo longe tempore. Assi populationes que ha vivite in alte
nivellos in montanias, la altiplano del Andes o le altiplanos de Tibet
es melior adaptate al aer povre in oxygenio que pro exemplo ego qui ha
ancestres qui ha vivite in multo basse nivellos del terra, proxime al
surfacie del mar. Assi ego ha minus corpores rubie in mi sanguine que
pro exemplo un peruano o un tibetano. Isto naturalmente dice nihil de
nostre intelligentia como individuos o como gruppos.

Del altere latere on debe contar con le facto que le humano ha migrate
de un zona del terra a alteres e a vices iste migration ha essite tanto
recente que le selection ancora non ha venite in action visibile.

Il es un facto, que es facilemente controllabile que humanos de pelle
nigre in mi latitudes (c:a 60 grados nord) debe esser attente al
vitaminas que illes recipe e debe esser particularmente attente al
solation que illes recipe durante le estate. Isto es cosas que ego ha
audite e ego es naturalmente grate si alcuno me pote corriger, si il ha
corrigendos :-)

Lo interessante es que le habito que pote esser bon in paises sudic non
del toto es bon in nostre latitudes de estate, nam humanos recipe
troppo pauc sol!

Per consequente le variationes in color de pelle o in presentia de
corpuculos rubie in le sanguine non del toto significa que on pote
divider le humano in varie rasos, il es variantes. Nonobstante il es
satis facile dicer: ecce un europeo, ecce unn africano, ecce un
est-asiatico.

Un mi studente ex china diceva a me un vice: "Vos europeos es
totalmente simile. On non pote differentiar vos un del altere." Un
altere diceva "Kjell, an tu vermente es svedese?" Ego: "Que?!" "Tu ha
le aspecto de un jugoslavo o un francese." Ego: "Hmm. Ego non ha un
responsa a isto. Ego ha incontrate franceses e yugoslavos blond, On
nunquam pote esser certe solo pro le aspecto. E il ha svedeses a pelle
nigre. Un persona qui parla svedese e pensa svedese es naturalmente
svedese pro me, si ille ipse non exprime appertinentia a alcun altere
gruppo..."

Kjell R