Con respecto al remarca que le Baptistas del Sud vole facer que
totos es Baptistas, nos debe rememorar que in le Sud (del SUA)
le baptistas e le methodistas ha vivite al latere del un le altere
in harmonia desde multe annos. In multe respectos lor attitudes
es frequentemente similar, durante que lor theologias es alquanto
differente.
Mais io crede que le Baptistas del Sud vole convertir le judeos,
que le judeos tracta como un insulto.
Nonobstante, io rememora leger un articulo in Tikun un periodico
de pensata de intellectuales judaic circa il face 15 annos, que
le ecclesias del sud habeva sufferite un transformation como le
consequentia del urbanization. Ante 1940 le ministros de ecclesias
rural ha essite 'liberal' in opposition al familias ric in lor
communitates, qui esseva politicamente conservative. Illes favora
le homine laborante, e mesmo habeva attitudes, si non totalmente
egalitarian, al minus paternal, verso le negros. Mais le Guerra
Mundial II habeva causate multe habitantes de villages rural a
mover al citates e centros de production, proque, post un major
depression economic, le fabricas de armas esseva un loco de empleo.
E in le citates le gente rural habeva discoperite normas social
que esseva infamiliar a illes, con le numerose tentationes. Alora
le Administration national habeva introducite multe programmas social
que mesmo plus disrumpeva lor texito social. Quando le movimentos
del derectos civil - o pro meliorar le conditiones del negros in le
sud - ha comenciate in le 1950s, illes rebelleva contra le imposition
del governamento in lor vitas. Illes videva le principios del
governamento national guidate per le 'humanistas' de Harvard del
nord est. In le interim illes habeva concentrate se in grande
ecclesias in le crescente citates del Sud, con pastores demagogic,
qui ha predicate contra le mal atheistic humanismo, le evolution,
le peccatos de attitudes laxe verso le sexo, le equalitate del
racias e le sexos. Iste phenomeno esseva amplificate per le
television, que faceva possibile que lor doctrinas esseva dispergite
largemente, e creava grande congregationes virtual qui telespectava
lor programmas religiose, non solmente diffundite durante le fin del
septimana mais a tote dies del septimana. Assi, le attitudes liberal
del baptistas, qui originalmente esseva severe partisanos del separation
de ecclesia e stato, le credo de un religion personal, ha cambiate verso
le participation active in le politica pro infortiar lor scopos, p.e.
contra le inseniamento del evolution in le scholas e le abortion. Illo
es plus un movimento politic que solmente theologic.
Stan Mulaik
Stan Mulaik
|
