Car amicos e amicas,

Le version del Thesauro le plus recente es in:

https://www.dropbox.com/sh/6jxnov15ytuwssq/c-kL9qWeq4

Io debe facer ancora alicun correctiones in materiales extrahite del
Thesauro, e io vole facer lo ante le die 15 de januario de 2013.

Immediatemente post iste die io comenciara a laborar in le Thesauro 2014,
perque io ha multe materiales a adder a illo.

Ab iste lineas, io vole regratiar multissimo al duo personas qui ha
subventionate le travalios del Thesauro. Gratias a illes, io habera tosto
un nove computator.

Si alicun altere vole collaborar con me, ille pote facer lo a transverso
paypal.com ubi io es [log in to unmask] con qualcunque quantitate. Isto
es importante pro me, per multiple rationes.

In le ultime Panorama appare un photo del motor de recerca del Thesauro in
le qual appare un linea con error:

· panorama del litteratura contemporan

Illo ha essite eliminate, io veni de comprobrar lo, per continer un error.

On dice in le articulo que le labor se basa sur le Dictionario
Interlingua-Nederlandese
per Piet Cleij. Vos debe saper que io ha usate tamben exhaustivemente le
Nederlandese-Interlingua e le Francese-Interlingua de nostre grande
lexicographo e maxime contributor al Thesauro, le senior e amico Piet Cleij.
Io vole mentionar tamben Carlos Soreto e Pierre Morin, sin cuje adjuta iste
obra haberea essite impossibile. Soreto, per su milles de correctiones, e
Morin, per su adjuta technic in omne momento que io lo ha necessitate. E io
regratia tamben le amico René Grothmann per haber preparate mi materiales
pro consultation rapide in intelligentophonos (smartphones) e mesmo in
internet.

Io ha usate altere materiales e dictionarios pro le Thesauro, ma io debe
facer isto con grande attention, debite a errores presente in illos.

Imbracios amical e Felice Anno Nove a totes (totos e totas).

Josu Lavin


--
Pro leger le archivos e pro modificar o cancellar le subscription:
http://listserv.icors.org/archives/interlng.html