[In iste, le secunde parte de mi articulo, nos examina le historia de Paul Revere.
--Julio Dobkin]
"Le Britannos Veni! Le Britannos Veni!"
Un altere figura universalmente cognoscite por infantes american es Paul
Revere, famose por su "cavalcada de medienocte". Revere era un importante
silversmith ["ferrero de argento" in Interlingua?] in Boston qui era active in le
causa de independentia in le medie del 1770s, quando pro-independentia
colonistas in varie urbes de Massachussets formava militias. Iste homines
exercitiava in preparation per alcun die futur quando le soldatos Britannic
marcharea a su urbes, e in un minuta le colonistas cessarea lo que era facente,
sasirea su fusiles, e currerea per luctar. Illes era appelate Minute Men ("Homines
de un Minuta") e le 19 de April in 1775 in duo urbes proxime de Boston, illes ha
devenite le prime colonistas qui ha habite un confrontation armate con le
Redcoats ("Rubie Mantellos," le nomine que le colonistas usava per le truppas
Britannic), primemente in Concord ubi le soldatos qui ha venite per confiscar su
munitiones los ha deroutate, e plus tarde in Lexington ubi era le Britannos mesme
que ha fugite, e finalmente un secunde vice in Concord.
Le Minute Men ha essite avisate que le truppas era veninte. Le nocte ante que
le eventos in Concord e Lexington, participantes in le causa de independentia ha
essite contate de que le Britannos era planante, e Paul Revere ha cavalcate per
avisar le revolutionarios in le region de Boston. Le imagine de Paul Revere
galopante per le medie de nocte, eveliante le chefes de rebellos con su aviso:
"Le Britannos veni, le Britannos veni, como le imagine del infante George
Washington con su ha hachetta, ha profundemente infiltrate le conscientia
American, e versiones o parodias appare ubique, in filmes e caricatura political e
annuncios commercial. Il ha anque un famose poema por Henry Wadsworth
Longfellow appelate The Midnight Ride of Paul Revere ("Le Cavalcada de
Medienocte de Paul Revere") que comencia:
Ascolta, infantes, e vos pote audir
Del cavalcada de Paul Revere
[Listen, my children, and you shall hear
Of the midnight ride of Paul Revere]
Le veritate es que duo cavalleros ha propagate le aviso in ille nocte: Paul Revere
e William Dawes. Ma Paul Revere era melior cognoscite in Boston que Billy
Dawes, e inter Americanos hodie le infelice Dawes es quasi tanto incognoscite
come Revere es famose.
[copyright 2000 per J J Dobkin]
|
