Car amicos,

Per favor, *non* recapitular vetere debattas re interlingua, interlinguE,
etc. in le nove foro de Usenet europa.linguas. Tal querellas retarda de
facto le progresso de nostre movimento, per crear (o reinfortiar) un mal
impression. On ha jam facite un multo bon initiativo in europa.*, per
introducer interlingua como un instrumento practic e utile. Io time (e
senti mesmo un poco de irritation) que alcunos risca annihilar iste bon
comenciamento per participar in vetere querellas del annos cinquanta, e
longe discussiones theoretic e historic. Inflictar istos sur un publico
nove, e in certe mesura sympathic a interlingua, me sembla un tactico
catastrophal.

Il ha locos pro tal discussiones: le interlingua-coollist e le lista
Auxlang. Ibi il ha un certe tolerantia, mesmo un interesse restricte. Como
ultime recurso, on pote scriber a me, nam io me interessa fortemente pro
omne detalios del historia e theoretica de interlingua - ma io es un de
paucos!

Lassa "Charles"/"Catty" querellar sol; ille pote annihilar le parvissime
chance del revivate interlingue/occidental per se mesme.

Amicalmente,

Chris