>
>Thomas Alexander <[log in to unmask]>
>Subject: Mulaikismos (era : Blair un 'co-inventor de interlingua'?)
>
>Jerzy Gralak scribeva:
>> Io anque remarcava, que voi desira "americanisar"
>> (secundo Vos americanizar) ortographia de
>> Interlingua.
>
>Vole ben non "correctionar" Sr Mulaik in le (nel?)
>lista ipse. Si tu veremente debe face un correction,
>lo face in un message private. Stan ha su proprie
>stilo, e le place justificar lo per messages longe
>e argumentos iterative. Tu message non va succeder
>a convincer le, sed illo va solmente tentar le a
>scriber ancora un message longe con le argumentos
>vetere. (Si le deos nos compate, Stan va te invar
>su argumentos in un message private - illos son
>ja interesante al prime lectura.)
>
>> Vu debe esser le exemplo a nove adeptos del
>> Interlingua, como io
>
>Secunde ille, ille lo face!
>
>> videz senior "Interlingua-English Dictionary"
>> per Gode
>
>Gode have mercy! ("In Gode we trust"?) Proque tu
>debeva usa le G-parola? (o forsan "le parola G").
>Io audi qualcosa. Que es iste sono? Certemente
>illo es le Sr Mulaik a tambur e tastatur (claviero)
>battente.
>
>Amike salutas,
>Thomas/Tomaso ALEXANDER.
>
Thomas, tu argumento es un excellente exemplo del
argumento al homine! Bon rationamento! :-)
Le problema pro me es que io ha apprendite mi theoria
de interlingua personalmente de Dr. Gode inter 1956 e
1962, in correspondentia e in visitos a su casa e le mie
in Salt Lake City e a su bureau in Nove York. Io sape ben
su philosophia de interlingua. Io ha collectionate multe
documentos historic de IALA e de Dr. Gode.
Post 1966 io ha lassate interlingua subsider in mi
vita durante que io ha prosequite un carriera como
un psychologo quantitative. Io ha scribite libros e
articulos in aquelle campo.
In 1995 io ha retornate a interlingua per via del
interrete e ha discoperite que in le interim Dr. Gode
habeva morite, e pauc interlinguaistas esseva seriose
in laborar super extender e perfectar interlingua
como un phenomeno objective. Integre gruppos de
occidentalistas nordic ha adherite se in massa a
interlingua, mais illes generalmente esseva ignorante
del methodologia. Solmente alcun pauc individuos como
Piet Cleij ha expandite le vocabulario usante le
methodologia de IALA.
Lo que io ha discoperite esseva que necuno ha rememorate
que interlingua pote meliorar se. E il habeva medios
pro facer isto in un maniera objective. Quando io ha
resumite labores que io ha comenciate in 1961 in
expander un lista de particulas romance consistente con
aquellos derivate del francese, italiano e espaniol/
portugese, usante methodos objective de IALA, e ha usate
los in mi textos, io ha recipite ridiculo de certe novicios
qui sapeva pauc del historia o methodologia o philosophia
de interlingua. On me accusava del heresia! Mais io es un
academico, e Gode esseva un academico, e io es influentiate
plus per le opiniones de academicos qui argue secundo le
factos linguistic que concerne interlingua que per
argumentos contra le homine.
======
"Io ha semper insistite que le theoria de interlingua non tolera ulle
dogmatismo, que le ultime spirito de interlingua es incompatibile con le
notion de un academia o de non importa qual forma de organisation que
poterea arrogar se le autoritate de legislar con respecto a illo. Io continua
mantener iste attitude e remane convincite que mesmo tal apparentemente
innocente institutiones como per exemplo diplomas pro expertos de
interlingua o insignias pro partisanos de interlingua suggererea -in
violation del spirito fundamental de interlingua - que le lingua es le
proprietate de un club (e non del Romania*) o que illo es regulate per un
gruppo de autocrates (in loco de per factos que non importa qui ha le
derecto de observar e que non importa qui pote observar si ille ha le
correspondente cognoscentias technic). Nonobstante, on me accusa non
infrequentemente de dogmatismo quando io refusa discuter compromissos
o reformas proponite per personas honestemente interessate in le
promotion de interlingua. Iste apparente paradoxo se explica facilemente:
Io non pote discuter compromissos o reformas que non resulta del studio
del factos intra le sphera linguistic del Romania, proque io ha nulle
autoritate de violar le factos historic, e si le compromissos o reformas
que on propone resulta de facto del factos real, il non es necessari
discuter los, proque alora illos non es compromissos o reformas del
toto sed perfectemente legitime elementos de interlingua. Sed il
ha un altere aspecto del cosa: Ben que le laborantes qui establiva le
tractos fundamental del lingua typo del Romania esseva ben qualificate
pro lor deberes, il es possibile que illes errava in lor observationes e
etiam que illes esseva, de tempore a tempore, influentiate per prejudicios
subjective. Iste significa que omne detalios del structura de interlingua
pote esser re-examinate in le lumine del factos intra le sphera del
Romania, e si le conclusiones que on obtene assi non es identic con le
conclusiones formulate in le manuales fundamental de interlingua, on ha
non solmente le derecto sed le deber de facer se audite . Ecce le base e
simultaneemente le confinios del elasticitate e del non-dogmatismo del
theoria de interlingua." --Alexander Gode, 1959, Manifesto de Interlingua.
*Romania: "Io crede que le Romania debe esser definite como le territorio
total in que le influentia linguistic del latino continua esser traciabile.
Per consequente le linguas fonte de interlingua include in mi opinion le
anglese e (con effectos minus significative) etiam le germano."
--Gode, Manifesto de Interlingua. On pote adder tote le linguas major
de Europa, Russia....
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
