Jay,
   Io es surprendite que tu, de tote personas,
haberea traducite tal articulo super le nove causa
contra le urination stante!  Heh, heh.

   Io es totalmente stupefacite per isto.  Le sol
base pro requirer que masculos urina de un position
sedite es hygenic - pro controlar le dispersal de
guttas de urina. Le altere argumentos, que le masculo
lo face a causa de su desiro de facer un gesto de
violentia contra le femina, etc.. es absurde - un
symptoma del invidia penile. Le masculo lo face
solmente proque illo es facile e ille ha le controlo
del direction del fluxo de urina.  Totevia isto non
es ver de homines vetere cuje fluxo urinal es a vices
debile a causa del constriction del glanda prostata.
Alora le guttas a vice cade non in le urinal mais
al pavimento.

   Ben, si nos debe interdicer le urination stante,
io require plus que nos functiona le WC solmente quando
le coperta es claudite, proque le action de functiona
le WC distribue minuscule guttas de aqua del WC in
le aere, de novo un action non-hygenic.

   Isto post recente notitias que le medicos ha
discoperite que le practica ultrahygenic de
remover tote microbios del ambiente con lavatura con
sapon bacteriocidal non provide le incontras a
infantes a bacteria que illes exige pro disveloppar
lor systemas de immunitate - que sin tal incontras,
illes plus facilemente disveloppa le asthma.

   Que debe un homine moderne facer?

Stan Mulaik