Subject: | |
From: | |
Reply To: | INTERLNG: Discussiones in Interlingua |
Date: | Mon, 17 Jan 2000 11:11:46 +1100 |
Content-Type: | text/plain |
Parts/Attachments: |
|
|
Cara amicos/as,
Allan ha scribite:
> Sr Puriszkevicz assi citava le parolas
que - secundo le legenda** - le heroe
national polonese, Tadeusz Kosciuszko
critava post le perdita decisive a
Maciejowice in 1794: "FINIS POLONIAE!"
Iste nomine io cognosce ben. Le plus alte montania in Australia porta le
nomine de Kosciuszko. Sed typicamente por mi compatriotas, durante plus que
cento cinquanta annos, le officina governamental pro le nomines geographic
continuava un error con le orthographia. Dunque ' Mt Kosciusko' pareva in
omne mappas sin le 'z'. E le public general lo pronunciava 'cosi'ossco'.
Recentemente, le functionarios in celle officina finalmente ha prestate
attention a le planctos del communitate polonophone (e le historicos amateur
e alteres) e ha cambiate officialmente le nomine a Mt Kosciuszko (con le
'z'). Al mesme tempore, io ha remarcate un cambiamento general in le
pronunciation a 'co'shusco', le qual secondo mi cognoscentias superficial,
resimila de plus le pronunciation polonese.
con amicitate
Adrian
|
|
|