Car amicos.

Il es ben possibile que le insertation de un ENTER post cata linea crea
columnas minus longe, lo que facilita le lectura de un message.

Ma le ENTER post cata linea non solmente es un retorno al machina a
scriber. Illo anque es (diplomaticamente dicite) irritante e crea un
enorme extra labor pro illes qui vole conservar textos recipite - p.ex.
litteras importante o textos pro publication in p.ex. Panorama. Ille qui
recipe un tal message con ENTERs debe manualmente remover cata ENTER pro
haber un texto normal a tractar in su programma de processamento
textual.

Le ENTER es absolutemente contra le natura del computator in iste
connexion, e io debe dicer que si alcuno me expedi textos pro Panorama
etc., io refusa facer iste idiotic labor extra de remover omne le
ENTERs. Le resultato es que le texto non es publicate, io regretta.

Con mi optime salutes
Thomas Breinstrup