In le era de Gutenberg, le publication ha essite
costose.  Un edition imprimite costa tante moneta que
pauc autores discognoscite pote pagar le costos de un
libro con un edition imprimite de, que nos dice, 6.000
exemplares.

Ma le publication electronic cambia omne isto.  Le
publication de "Interlingua in interlingua"
<http://www.geocities.com/hkyson>, pro exemplo, me
costava nihil, e le obra mesme es gratis e
immediatemente disponibile a omnes qui vole informar
se sur le natura de interlingua.

(Il mesmo ha un quantitate de textos in "Ia in ia"
assatis grande pro permitter su continue evolution
mesmo si disappareva omne le altere fontes de
documentation sur interlingua.  Al assemblar le textos
de "Ia in ia", provider un tal ressource bibliographic
esseva mi intention explicite.)

Nunc il non es necesse que nove interlinguistas recipe
libros trans le systema international postal pro
comenciar lor studios de interlingua.  Illes pote
discargar le documentos de "Interlingua in
interlingua" pro lor studios personal e imprimer los
pro classes de instruction o gruppos de studio minus
formal.

Illes anque pote discargar iste documentos in
Microsoft Word e rediger los como illes vole si illes
prefere altere formas lexicogrammatic in lor proprie
uso de interlingua.

Mi curso de conversation de interlingua (e anglese,
pro illes qui vole studiar lo) es nunc disponibile in
un forma multo legibile a
<http://www.groups.yahoo.com/group/romanica4/files>, e
alteres pote rediger iste documentos como illes vole.

Forsan un anglese de Londra volerea modificar le
version anglese de mi curso pro facer lo conformar al
anglese britannic, e ille o illa es completemente
libere a facer isto.

Io spera que illes qui vide le beneficios de lo que io
ha facite redigera versiones de iste curso in lor
proprie linguas materne de maniera que altere
studentes de linguas potera usar los in lor studios
personal.

Si vos face isto, le Rete poterea devenir un
potentissime medio de instruction linguistic
completemente sin barrieras de tempore e (lo que pro
multes ex nos es un incubo multo plus irritante)
barrieras economic.

---

UN LABORATORIO DE CONVERSATION IN BULGARIA:  Si vos
vole establir un laboratorio de conversation in
interlingua formal o informal in le proxime
conferentia in Bulgaria, vos pote discargar (partes
de) mi curso de conversation--e rediger e facer copias
de vostre redaction secundo vostre preferentias e necessitates.

__________________________________
Do you Yahoo!?
SBC Yahoo! DSL - Now only $29.95 per month!
http://sbc.yahoo.com