Subject: | |
From: | |
Reply To: | INTERLNG: Discussiones in Interlingua |
Date: | Sat, 28 Jul 2001 17:59:41 +0200 |
Content-Type: | multipart/related |
Parts/Attachments: |
|
|
Le morte de Ötzi: individuate un puncta de flecha fligite in le corpore del mumia.
Non ha essite un cadita e nec le frigide a occider Ötzi, le homine del etate del bronzo que le vetule restos de 5300 annos antea ha essite discoperite super le glaciero de Similaun (confinios inter Italia e Austria) in le 1991. Un gruppo de scientistas ha, de facto, individuate le puncta de un flecha fligite in le corpore del homine. Resolvente in tal maniera le mysterio de su morte.
Le puncta de flecha, facite de silice, ha essite individuate le septimana passate con un technica de tomographia computatorial, que permitte de reconstruer authentic e real radiographias tridimensional. Le percurso del flecha es ancora possibile individuar lo in le corpore de Ötzi e on ha potite stabilir que le ferimento ha causate un paralyse del bracio sinistre, ma non le ha occidite immedatemente. Multo probabilemente Ötzi ha supervivite ancora alicun horas e le signos de serie lesiones interne face pensar que il se tractava de horas extrememente dolorose.
Ora, il es secur que tote le theorias avantiate in le ultime annos, secundo le quales Ötzi ha morite per un cadida, frangente se le costas, o congelate sub un forte nivada improvise, son securmente errate e le historia de iste homine debe esser reinscribite; esque ille era un soldato? Esque ille se trovava in battalia? Le scientistas va sperar de poter utilisar iste nove informationes pro stabilir su rolo in le societate. Inter le altere datos, on sape que Ötzi ha morite a 50 annos circa, un etate extrememente avantiate pro su epocha.
Luca Ghitti
|
|
|