On Tue, 3 Feb 2004 09:10:03 +0100, Jose <[log in to unmask]> wrote:

>io anque debe admiter de non comprender ben le philosophia de iste
>lista, pois que il ha troppo prohibitiones;
>* NON inviare messages re grammatica
>* NON inviare articulos troppo extense
>* NON cambiare le subjecto del message
>* NON inviare ....
>
>Esque nos poterea haber un pauc plus de libertate o nos face parte de un
>gruppo de reclusos sin saper lo?

Io opina que il ha de facto multe libertate e pauc prohibitiones in iste
lista, como demonstrate per le facto que tote le partitos implicate in
le recente flammage es ancora presente!

Nos requesta simplemente:

(1) que on usa le lista conforme a su scopo ben definite, i.e. de esser
    un foro de conversation general in interlingua (e non un sito pro
    publicar articulos, ni un foro pro disputationes extense super le
    grammatica);

(2) in facer isto, que on se comporta de maniera civilisate, o al minus
    non incivilisate; i.e. que on face un effortio rationabile a non
    enoiar.

Io non crede que istes es requestas irrationabile.

Il non ha un prohibition contra cambiar le capite del subjecto (de facto
isto es recommendate quando le thema del discussion se cambia al puncto
que il non ha un connexion con le thema original, e pro iste ration io
lo ha facite in iste message). Le problema es que un cambiamento
constante, *excessive* del capite del subjecto es enoiose proque isto
impedi le gruppamento per thema del messages.

Il non ha un prohibition contra inviar messages extense. Lo enoiose es
inviar *excessive* messages extense (specialmente si iste messages non
es conforme al scopo del lista, p.ex. quando le lista es usate como
medio de publication de articulos e non pro discussion inter personas).

Il mesmo non ha un prohibition contra le publication de articulos, ni
contra le discussion del grammatica. Ancora un vice, le problema es
quando isto occurre *excessivemente*.

Il es un question de grado. Le parola-clave es moderation.

E qual es le puncto de excessivitate? Io pensa que on attinge iste
puncto quando le activitate in question comencia a impedir le
realisation del scopo del lista, i.e.: quando le conversation general in
interlingua se diminue e es reimplaciate per le activitate in question e
per le reactiones de personas enoiate.

Io crede que recentemente nos ha non solmente attingite ma ben excedite
iste puncto, dunque io spera que nos pote retornar ora al conversation
general e amical in interlingua.

Sperante que isto ha servite de clarification,

- Martijn (gerente adjuncte e sporadic)