Car Amicas e Amicos,

qual thema nos propone Michael D. Edwards e justo hodie!
Io desirarea invitar le Presidente del UMI a scriber un message a nostre lista
perque forsan ille non lo ha jammais facite. Totevia ille scribe ben
Interlingua.
Que pensa Vos, Senior Presidente, de iste thema per Michael?
Qual es le programma del UMI pro le proxime futuro? In ultra a Focsani, io
intende!
E pro Focsani, esque Vos considera que on debe antea inscriber se e, postea,
cognoscer le programma?
On rescribera que le programma ha essite jam publicate. Forsan, pro facer le
touristas un septimana in Focsani e proximitates.
Illo non es le Principato de Monaco.
Ma, forsan, a Michael como a me, nos haberea interesse de un programma plus
strictemente re Interlingua e su futuro.
Iste comité international organisator qui collabora con Simona e Florin Sunel,
ha nomines de su participantes, o es illes un gruppo de anonymos, o
innominatos?

In breve, qui ha le poter, Senior Presidente, que hodie decide e deman
decidera
le destino de Interlingua e del UMI?
Ha essite jammais Vos?

Io vide Interlingua in le proxime futuro como le resultato del dono al
humanitate que illo representa. Assi Interlingua habera un futuro, si on
portara Interlingua a facer se cognoscer.
Como ha facite fin a hodie iste lista, o le UMI?
Io pensa que ab un fallimento on non debe expectar se un successo futur.
No, nos non debe abandonar Interlingua e nos debe inventar nove vias e lassar
illes, qui ha habite le responsabilitate de Interlingua usque a hodie, a lor
pusille mundo.
Forsan ignorar lores es le melior solution pro le futuro.
Nos es sempre a lamentar nos in toto e nos non cambia jammais nostre
representantes.
Forsan Interlingua exige que on cambia pagina.

Io protesta e pensa que on ha ben de protestar, ma io es etiam del idea que
totos ha lor valor, assi io non vole que qui ha habite fortuna adverse debe
partir se de Interlingua, ma illes debe comprender que illes non ha habite
successo.

Le prime cura pro Interlingua es parlar inter nos con sinceritate.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com