Jay Bowks wrote:

> > Car amicos in INTERLNG:
> >
> > Io ha un projecto con le qual vos me poterea dar adjuta.
> > Le projecto es titulate Projecto Auxilingua. Il es un sito del Tela ubi
> io
> > pone servicios de recerca pro le
> > personas que se interessa in linguas auxiliari e construite.  Interlingua
> > es considerate un de istes e in
> > mi opinion un del melior.  Gratias al effortios de omnes
> > in IALA, e nunc in UMI que la mantene vivente e sana.
> >
> > Io esserea multo appreciative de reciper information de
> > vos concerniente vostre experientia con Interlingua e
> > alteres linguas planificate.  Io sape que varios in le
> > lista ha multa sapientia de le tempores historic in le
> > campo del interlinguistica.  Isto in mi opinion es
> > valorose pro le juvenes e alteres novos al apprendimento de linguas
> > planificate.
> >
> > Si vos se interessa in adjutar io sol vole requirer le
> > sequente information (inviar a: [log in to unmask] )
> >
> > 1) Nomine de vos (scripte como vos lo vole vider scripte)

Jan Armann - le 'A' con un parve circulo (in HTML Årmann)

> > 2) Linguas planificate que vos sape (e usa, como le Interlingua) e
> > projectos que vos ha tentate de construer personalmente in linguas
> > artificial.

Io usa solmente Interlingua

> > 3) Le ration proque vos ha interesse in linguas planificate o proque
> gusta
> > de construer linguas artificial.

Mi lingua materne, svedese, es usate de approx. 12 milliones homines
(Svedia e Finland) e es comprendite per forsan 6 milliones ulterior
(Norvegia, Danmark). Io ha laborate intensivemente pro apprender
anglese, germano e un poco francese pro. Interlingua ha me date accesso
a le linguas romance e anque date me un cognoscentia del etymologia del
linguas europee. Io crede que personas de "parve linguas" son motivate e
obligate apprender linguas estranier.

Io ha provate studiar un poco esperanto ma io trovava iste lingua troppo
schematic e fede e sin beltate. Anque le litteras special usate son
disgustose e impractical.

> > 4) Un pauc de su historia personal, dicente como vos se
> > interessava in le linguas planificate, que esseva le attraction original
> e
> > a qual etate, etc.

Io ha ante mi studios basic studiate foresteria in Stockholm
Universitate. Un grande parte del litteratura esseva in linguas
estranier. In mi profession como ingeniero forestal io ha laborate in
Svedia ma anque in altere paises como consiliero empleate per le
Nationes Unite. In mi labor in Svedia io habeva visitatores forestal de
plure partes del mundo. Alcun vices io poteva conversar con visitatores,
de paises romancephono como Colombia e Italia, in interlingua proque
illes non parlava bon anglese. Iste experientias incoragiava me a
meliorar mi interlingua. Io participava in le Incontro in Praga 1996 e
iste evenimento faceva me un enthusiasto!

> > 5) Un exemplo de linguas planificate que es su favorite. Isto pote
> includer
> > Latin Classic, mi phrase preferite es "CARITAS VINCULUM PERFECTUM" de Col
> > 3:18.

"OMNIA MEA MECUM PORTO" ma io sovente include "ma a vices io lassa alcun
cosas apud mi sposa."

> > 6)Su adresse de email e su pagina del Tela si ha alcun active.

[log in to unmask]

> > 7) Altere cosas que vos volerea includer in su cassa del lista del
> > Projecto.
> >

Il me gaude que plure nove personas ha se jungite in nostre movimento e
INTERLNG. Io spera que plure de illes va participar in Strasbourg.

> > Il ha un lista nunc con le adresse que apare hic.
> >
> > http://www.cheshire.net/~jjbowks/members.html
> >
> > Il ha tantos que se interessa in le linguas planificate
> > jam in le lista.  Il esserea multo proprie haber personas que ama le
> > Interlingua in iste lista alsi.  Nota per favor quantos il ha nunc que
> > mentiona Esperanto.  Es interessante alsi notar como un Senior in le
> lista
> > se interessava in linguas planificate al esser juvene quando ille legeva
> un
> > passage in Interlingua e esseva multo surprendite que ille poteva leger
> lo
> > e comprenderlo.  Vostre adjuta esserea multe appreciate e io esserea
> multo
> > gaudiose de includer vostre information illac.  Se vos es interessate
> vade
> > al lista e lege un pauc de illa.
> >
> > Gratias pro vostre adjuta,
> > Amicalmente,
> > Jay B.
> >
> >

Jan
--
Jan Armann
Fagelstigen 21; S-904 21 UMEA, Sverige (Sweden)
Tel & Fax +46 (0)90771525; e-mail: [log in to unmask]
http://www.algonet.se/~armann