At 12 Sep 2000 18:06:22 CEST, The Philoglot wrote:
>Subject: io me va a presentar

"io va presentar me", o simplemente "io me presenta"

>Io es le mesme qui scribeva le message titulate "io es nove in
>interlingua". Gratias a tote le personas qui me respondeva.
>
>Io non ha potite vider debitemente ancora le paginas interessante
>super interlingua que io ha addite a mi paginas favorite. Ma io
>crede que il es multe interessante le pagina de Jay Bowks,

"que il es multe interessante" -> "que es multo interessante"

>in le que, secundo le pauc que io ha vidite usque ora, offere un
>grande quantitate de information super le projectos de linguas
>international in le historia.

Si, io anque es multo impressionate per su Projecto Auxlingua.

>Io non vole que alicuno se offende (il ha multo a vider in internet
>ancora ('in internet' o 'in le internet'?) (o esque illo es
>'interrete'?).

Io crede que omne le tres alternativos es acceptabile...

>Nunc io parlara super me.:-) Io es un puero (?) espaniol qui habera
>18 annos in Octobre e qui es un amante del lingua(s).

Benvenite. Io es un homine nederlandese qui ha 26 annos. Io
discoperiva interlingua ante un medie anno, e recentemente io habeva
mi prime conversationes in le telephono in interlingua, le qual era
un experientia assatis interessante.

>Avisa me, si il vos place,  del errores linguistic que io habera in
>le messages que scribera.

"que scribera" -> "que io scribera"

Io non vide tanto multe errores in tu messages. :-)  Ma io es un
interlinguista relative nove e io ipse ancora face errores.

>                        (Le pagina mentionate subtus non es facite ancora)

Si tu pagina sera in interlingua o super interlingua, forsan tu
volera inrolar lo in le Webring Interlingua que conjunge plure sitos
de interlingua a fin de facilitar le navigation inter illos. Isto es
gratis e le procedura es bastante simple. Vide:
http://webring.internodio.cjb.net/ pro plus de information.

- Martijn

--
Martijn Dekker   http://www.inlv.demon.nl/martijn/
[log in to unmask]  [log in to unmask]
ICQ#13344793  AIM: McDutchie  PGP key-ID: DBF26675