Car membros de iste lista!

In vice de discuter super ideas linguistic in connexion con interlingua, como si illo esserea un projecto non vivente e sub planification constante, que vos ascolta le 55te emission de Radio Interlingua, in le qual Barbara Rubinstein, le ex-presidente de UMI durante le plus annos, que un presidente jammais habeva parla in un lingua ja de longe standarde e fixe, vivente e parlabile, que se nomina: "Interlingua de IALA". Feminas es rar inter le usatores del lingua e Barbara non ha jammais criticate detalios linguistic del lingua, ma simplemente lo ha usate - in le conferentias, in le incontros nordic e durante su viages in le mundo. Que vos experientia per ascoltar iste e altere podcasts de Radio Interlingua, que interlingua es un lingua vivente e parlate, parlabile e fixe e usabile in su version, que le IALA fixava! Le interview se faceva in le conferentia international de interlingua in 2009, in Kirchheimbolanden, Germania.

Le emission se discarga directemente del ligamine http://www.interlingua.com/node/985 .

Tote le podcasts de Radio Interlingua pote esser vidite sur le adresse web http://www.interlingua.com/radio

Bon passatempore io vos desira:

Péter Kovács, le redactor


--
Pro leger le archivos e pro modificar o cancellar le subscription:
http://listserv.icors.org/archives/interlng.html