>From: Jay Bowks <[log in to unmask]>
>Date: Wed, 29 Aug 2001 23:30:34 -0400
>
>Que nos omne sia infantes al corde,
>Jay B.

E non solmente al corde ma in omne parte de nos. Trovar se in iste
meraviliose condition es como esser in un stato de gratia e non solmente a
39 annos, ma al contrario, anque in le alteres saison.
Mi felicitationes Jay e Julio e qual tristessa pro tu prevision del tempore
car Jay. Ma, jam, tu ha le primavera inter tu mesme!

Gauder del simplicitate del juvenos, un belle imagine pro nos qui non lo es
plus. Ma es illo ver simplicitate?
Io non lo pensa Jay.
Iste nocte passava super Treviso un avion con le motores a helice. Qui sape
plus qual ruito resonante face un tal avion e como tu lo senti arrivar e
postea disperger se lontan.
Jay in le silencio del nocte, io dormi con mi duo fenestras aperite, io a 61
annos provava le senso de angustia del 1943-1945 quando le mesme typo de
aviones faceva incursiones supra mi citate pro bombardar nos.
Como tu pote considerar omne puero ha su momentos grave e beate sia le
adulto qui non concurre a rovinar un juvene existentia.

Vide tu ubi tu me ha portate!

Ah, Justo un coincidentia de iste die pro nos del UE. Il es le die del prime
official presentation del Euro al Banca Europee. Tu potera recordar lo!

Bon toto,

Mario


_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp