mercuredi, 7 de martio 2001, 8:45 AM


SANTIAGO DE CHILE, 7 (AP) - Le governo mantene le decision de sacrificar 64
vaccas pro prevenir le mal del ``vacca insan'', a causa del forte
discomforto del proprietarios del bestial qui qualifica le recurso como ``un
fiasco''.

Le ministro de Agricultura, Jaime Campos, diceva hodie que le morte del
animales del racia ``Jersey'', importate desde Danemarca face tres annos,
debe realisar se ante del fin de mense.

In april se realisa le listar international in le qual Chile figura como un
pais unde es multo improbabile que se registra casos del mal del ``vacca
insan''.

Campos diceva que ``in Chile no se ha trovate necun caso de vacca insan e
se facera toto lo necessari pro conservar iste situation''.

Edmundo Cortés, un del dominos del animales que essera sacrificate, diceva
que le situation es como ``ille del Sancte Inocentes, quando se occideva per
suspicion. Isto es un fiasco''.

Un representante del Servicio Agricole e Bestial, Hernán Rojas, comenciava
pro discuter heri nocte le amonto del indemnisationes que se debe pagar al
rancheros pro cata animal sacrificate. Non se ha trovate necun accordo.

Le proprietarios estima que le precio debe esser circa de US$3200 dollares
per cata capite de bestial.

Le governo acclarava que illes non sacrificara le vitellos del Jerseys
proque se ha comprobate que le mal del ``vacca insan'' non se transmitte per
le lecte.