Mario ha scribite:

"In le linguas indoeuropee, greco e latino habeva e germano e russo ha tre generes.
Italiano e le linguas romance ha solmente le genere masculin e feminin.
Illos (esse in italiano) non ha le genere neutro.
Turco, unghero e anglese es linguas que es mancante de genere."

In veritate, anglese ha tres generes, como germano, russo, greco e latino. Ma le differentia es
que in anglese, nos usa le generes logicalmente. Per personas e animales masculin nos use le
pronomine masculin "he" (in le nominative; le objective es "him," le genitive "his"). Per
personas e animales feminin (e, curiosamente, per naves) nos use "she" (le objective e
genitive es "her.") Per cosas inanimate (excepte naves) nos usa "it" (in le nominative e
objective; le genitive es "its").

Es clar: anglese ha tres differentes generos: masculin, feminino, e neutre. In contrasto, ha
linguas indoeuropee como armenio (le lingua matre de mi matre) e persa, que non ha necun
distinction de genero: le parola "an" in armenio es usate per significar ille, illa, o illo.

Incidentalmente, io pensa que le hollandese ha solmente duo generos, ma le reduction de tres
a duo non era le mesmo como in le linguas romances; era le distinction inter masculin e
feminino que es mancante--le duo generes remanente es neutre e commun.