Multe svedeses ora face le transactiones con su bancas via le rete. On va al
paginario del banca e pote ibi pagar facturas, mover pecunia de un conto a un
altere e on pote etiam, si on ha un carta de contantes (nominate cash card in
svedese) telecargar pecunia a su carta. On ha un "securator" (que aspecta como
un minicalculator, al qual on scribe un codice. Sur le base del codice le
"securator" propone un numero que on scribe in le computator - que ha contacto
con le banca - e on recipe de novo un numero que on copia al "securator" que
genera un nove numero que on scribe in su computator. Alora le banco sape que
on es le persona que on dice que on es, in breve que on ha le identitate
correcte. On pote ora facer su transactiones con le banca.

Con le nove anno il ha apparite que multe clientes bancari non pote accessar
le servicio, proque le lectores del rete non accepta le verificationes del
banca. Per isto le bancas propone un telecargamento de nove lectores.

Le autor de iste notitia non sape si le problema es presente in ambe Netscape
e Internet Explorer o solo in un del duo.