Salute omne gente!
Le message de Jay es interessante. Nos pote ben parlar de differente
culturas in le Statos Unite e al minus Scandinavia.

Esque il es assi que le Interlingua Institute non ha membros? Como es illo
que on pote haber moneta sin membros? Multo interessante.

Ci nos debe haber un organisation con membros. Le membros pote pagar moneta
al organisation e proprortionalmente al capacitate e voluntate de pagar al
latere del membros le organisation pote functionar ben.

Un altere possibilitate es que personas individual face donationes al
organisation. Si le resto del directorato del SSI non ha prendite
decisiones del quales io non cognosce, io pote fermente dicer que Societate
Svedese pro Interlingua non recipe le adjuta del stato que tal
organisationes pote reciper, ma in tal caso le organisation se cambia in un
gruppo de salariatos pro le occupation de semblar un movimento popular!
Felicemente le SSI non es un tal organisation.

(In quasi omne paises ubi on ha un tal systema il occurre de tempore a
tempore que le organisationes ha manipulate le matriculos de membros. Isto
occurreva al organisationes pro le juventute del partitos politic in Svedia
ante alcun annos. Io nunc non memora como isto finiva, ma un facto era que
quasi omne le partitos habeva membros assatis fictive, lo que dava plus de
moneta in le cassa...)

Pecuniarimente

[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden