Il sembla que Allan vole dicer que Dr. Gode esseva un folle american,
durante que in facto ille esseva germano/americano con le sapientia
a recognoscer que linguas es usate non principalmente pro lor
orthographias regular, mais pro lo que tu pote obtenir per usar los.
Ille reguardava le criticos del anglese como Don Quixotes. Si le
chinese conquire le mundo, toto va parlar e scriber chinese,
malgrado le objectiones contra lor systema de scriber o lor uso de
tonos phonemic in parlar, que es extranee a nos. Pro Gode interlingua
existeva, e il esseva essential a trovar niches ubi le uso de illo
da avantage a su usatores. Sin un armea, sin un religion, sin un
scientia, sin un commercio a appoiar su dissemination, il es plus
difficile trovar avantages pro usar lo.  Mais le facto que nos pote
communicar con le un le altere aqui in un lingua que esseva facile
de apprender, nos ha un interrete que nos appoia. Mais il ha necun
necessitate de attaccar le anglese pro beneficiar de iste avantages a
nos de interlingua. Le facto que interlingua representa le hereditage
lexic del mundo occidental da altere avantages a su uso.  Que illo
pote servir como un ponte inter linguas europee es un altere avantage.
Mais io crede que si nos deveni criticos stridente del anglese in
disseminar interlingua, nos va ganiar le reputation de folles, al
detrimento del dissemination de interlingua.

Salute!

Stan Mulaik