Un belle voce pote inspirar plus effectivemente que un texto
static. Proque le sito de UMI non ha bon exemplos de interlingua
parlate? Poemas, un historia curte, parlate per alicuno con un
belle voce, como travlang.com habeva in le passato (parlate per
un femina con un voce dulce).

Le exemplo singular al sito de UMI non es bon publicitate pro
interlingua. Illo es disponibile in duo formatos, ma necuno es
de qualitate requisite hodie. Le WAV non es de formato WAV
standard, e on non lo pote audir sin software specialisate. Le
True Speech es un formato multe obscur. Le ligame al sito de UMI
a software pro True Speech es rupte, e io non succedeva a trovar
software pro audir iste formato.

Un amico mie succedeva a converter le WAV in un formato
standard, pro le qual io lo pote ascoltar. Io non esseva multe
incantate per le parlator o le texto. Le texto sona clar, si, e
illo es informative, ma anque tediose. Isto non face le
ascoltator un amator de interlingua. Si le visitator del sito
jam succede a audir le texto.

Io propone de organisar un concurso, pro trovar le persona qui
face le recitation le plus belle, e de dar iste recitation un
loco prominente al sito de UMI, in formato MP3 de un qualitate
hi-fi.

--
Peter Kleiweg
http://www.xs4all.nl/~pkleiweg/argilla/