Subject: | |
From: | |
Reply To: | INTERLNG: Discussiones in Interlingua |
Date: | Tue, 16 Nov 2004 23:22:31 +1100 |
Content-Type: | text/plain |
Parts/Attachments: |
|
|
jo ha scribite:
> Si Darwin cognosceva le DNA forsan ille non haberea proponite le theoria
> del evolution.
> Le fabula que le girafa un tempore era como un gnu e a fortia de
> allongar le collo pro mangiar le folios supra le arbores illo deveniva
> como nos lo cognosce hodie es un belle fabula que on pote 'biber' si uno
> es un parve infante mais un persona que ha un cerebro e lo usa non pote
> creder a tal stupiditate, illo es un affronto al intelligentia human.
Si Darwin habeva scribite un tal stupiditate, io condividerea tu senso
de affrontamento. Tamen ille ha proponite un fundamentalmente differente
idea: le cambiamentos genetic in le ancestres del girafa moderne non
occurreva a causa del necessitate de mangiar folios in alte arbores. Al
contrario, le mutationes genetic occurreva al hasardo. E a causa del
beneficio o avantage que iste mutation (un collo plus longe) ha date, le
descendentes del prime creatura con iste genetic modification, prosperava.
> ...
> Cata esser vivente ha un codifica pro procrear un un esser simile a se
> mesme, e non es possibile que de un homine descende un balena o de un
> simia descende un homine, tote le instructiones es scribite in le DNA
> que non erra.
Tu assere alique false hic. Il ha clar evidentia que le DNA non se
reproduce exactemente de tempore a tempore. Isto es rar, sed occurre
nonobstante.
Ecce un concepto clave in le evolution - le inexacte duplication del DNA
in le prime division del ovo inseminate. Si le modification da un
beneficio al creatura, le creatura e su descendentes prospera e le
modification se diffunde in le population posterior post milles de annos.
> Le new-darwinistas ha cercate de facer nos creder que le mutationes
> genetica pote dar origine a nove esseres diverse de lor progenitores,
> totevia iste theoria non ha nil de veritate, si un esser es exponite a
> certe radiationes pote haber mutationes mais nos ha vidite que le
> mutationes es generalmente pejorative, ergo si le evolution usa tal
> argumentos como fundamento pro lor theoria illo es destinate a collaber
> miseramente.
Il pare que tu associa mutation con radiation. Sed in le contexto del
evolution un mutation es simplemente un cambiamento. 'Mutare' vole dicer
'cambiar' in latino nonne?
cordialmente
Edo
|
|
|