Car Allan e omne alteres con interesse pro le ENTER.

Mi message super le uso de ENTER al fin de cata linea sembla haber
essite miscomprendite. Io protesta contra le insertion manual de un
ENTER post cata linea pro abbreviar le longor del lineas in vostre
programma de e-posta. Si io transfere un tal message arrangiate assi con
un manual ENTER post cata linea pro uso in p.ex. Panorama, io debe
manualmente remover omne le ENTERs lo que me pare esser un guasto de
tempore.

Il es inevitabile que le transferimento de documentos electronic in
varie formatos causa problemas (inclusive ENTER post cata linea), ma on
non besonia adder nove problemas per le processo manual describite in
supra.

Naturalmente, textos pote sempre esser attachate como filas separate in
p.ex. Word, WordPerfect o altere formatos. Ma io spera que le ENTERistas
non usa le mesme methodo pro iste documentos...

Con mi optime salutes - e expectante nove contributiones pro Panorama
Thomas Breinstrup (ENTER e EXIT)